ការស៊ើបអង្កេតគ្រឿងញៀនរបស់តារាសម្តែង Yoo Ah In ឈានដល់ដំណាក់កាលចុងក្រោយហើយ

នាយកដ្ឋានប៉ូលិសទីក្រុងសេអ៊ូលបានធ្វើសន្និសីទសារព័ត៌មានមួយដើម្បីប្រកាសពីការស៊ើបអង្កេតករណីប្រើប្រាស់គ្រឿង ញៀនរបស់តារាសម្តែង Yoo Ah In ក្នុងនោះបាននិយាយថា ការស៊ើបអង្កេតកំពុងឈានដល់ដំណាក់កាលចុងក្រោយ ហើយកំពុងរៀបចំឈានដល់ការសន្និដ្ឋានចុងក្រោយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាពិសេសការស៊ើបអង្កេតលើ Yoo Ah In បច្ចុប្បន្នពាក់ព័ន្ធនឹងអ្នកសមគំនិត និងការចោទប្រកាន់បន្ថែម។ បច្ចុប្បន្ននេះ ការស៊ើបអង្កេតកំពុងស្ថិតក្នុងដំណាក់កាលចុងក្រោយ ដោយមន្ត្រីម្នាក់បានបង្ហើបថា ” Yoo Ah In ត្រូវបានគេរំពឹងថានឹងបន្តក្នុងពេលឆាប់ៗនេះ ជាមួយកោះហៅសម្រាប់ការស៊ើបអង្កេតបន្ថែម” ។

ដូច្នេះតារាសម្តែងរូបនេះនឹងមានការសួរចម្លើយមួយបន្ថែមទៀតដើម្បីបញ្ជាក់ពីការចោទប្រកាន់បន្ថែមនៃការប្រើប្រាស់សារធាតុញៀន ៥ ប្រភេទ។ បច្ចុប្បន្នការកោះហៅត្រូវបានសមត្ថកិច្ចសម្របសម្រួល ហើយកាលពីសប្តាហ៍មុនប៉ូលិសក៏បានចាប់ខ្លួនមិត្តភ័ក្តិរបស់ Yoo Ah In ចំនួន ៤ នាក់ផងដែរ ដើម្បីស៊ើបអង្កេតពីបទប្រើប្រាស់គ្រឿងញៀនខុសច្បាប់។ ក្នុងចំណោមមនុស្សទាំង ៤ នាក់នេះ ប្រភពបានបង្ហើបឱ្យដឹងថាមាន YouTuber ដ៏ល្បីម្នាក់ និងជាអ្នកសរសេររឿងដែលបានបញ្ចប់ការសិក្សាពីសាកលវិទ្យាល័យសិល្បៈ ។

មនុស្ស ៤ នាក់នេះធ្លាប់បានចូលមកប្រទេសកូរ៉េជាមួយ Yoo Ah In បន្ទាប់ពីត្រលប់មកពីសហរដ្ឋអាមេរិកវិញកាលពីថ្ងៃទី ៥ ខែកុម្ភៈ។ នៅដើមនៃការស៊ើបអង្កេតពួកគេត្រូវបានគេហៅធ្វើជាសាក្សី ទោះជាយ៉ាងណាបន្ទាប់មកមនុស្សទាំង ៤ នាក់ត្រូវបានគេសង្ស័យថាបានជួយតារារូបនេះចូលប្រើប្រាស់គ្រឿងញៀន ។ នៅចុងខែមេសា មិត្តភក្តិទាំងនេះមួយចំនួនបានធ្វើតេស្តវិជ្ជមានចំពោះកញ្ឆា ។

ក្រៅពីការចោទប្រកាន់ពីបទប្រើប្រាស់ថ្នាំញៀន ៤ មុខរួមមាន ប្រូផូហ្វុល កញ្ឆា កូកាអ៊ីន និងខេតមីន Yoo Ah In ក៏ត្រូវបានគេសង្ស័យថាប្រើប្រាស់ថ្នាំទី ៥ – zolpidem ផងដែរ។ ទោះជាយ៉ាងនេះក្តីមកទល់នឹងពេលនេះលោកទើបតែបានសារភាពថាខ្លួនពិតជាបានប្រើប្រាស់កញ្ឆាពិតមែន ចំណែកថ្នាំ Propofol និង ketamine ត្រូវបានប្រកាសដោយគាត់ថាជាថ្នាំដែលវេជ្ជបញ្ជាដោយវេជ្ជបណ្ឌិតដើម្បីព្យាបាលជំងឺ ៕

ប្រែសម្រួល៖នាងតូច

ចុចអាន៖គូស្នេហ៍ IU និង Lee jong suk ឈ្នះបេះដូងទស្សនិកជនតាមរយៈការងារសង្គម