ជីវិតកម្សាន្ដ

ណុប បាយ៉ារិទ្ធ៖ ចម្រៀង ៣ បទ ច្រៀងរួមគ្នាជាមួយគ្រួសារហង្សមាស ជាចម្រៀងចេញពីបេះដូងសម្រាប់ស៊ីហ្គេម

បានផុស

២៨ វិនាទី មុន

នៅ

ថ្ងៃព្រហស្បតិ៍ ១៨ ឧសភា ២០២៣

ដោយ

ក្រោយការបិទបញ្ចប់ជាផ្លូវការនូវព្រឹត្តិការណ៍កីឡាស៊ីហ្គេមលើកទី៣២ ដែលកម្ពុជាធ្វើជាម្ចាស់ផ្ទះ តារាចម្រៀងក្រោមត្រកូលផលិតកម្មហង្សមាស លោក ណុប បាយ៉ារិទ្ធ នៅលើបណ្តាលសង្គមជាផ្លូវការនារសៀលថ្ងៃទី១៨ ខែឧសភា ឆ្នាំ២០២៣នេះបានឲ្យដឹងថា បទចម្រៀង ៣ បទ ដែលលោកបានច្រៀងរួមគ្នាជាមួយគ្រួសារហង្សមាស គឺជាបទចម្រៀងដែលច្រៀងចេញពីបេះដូង សម្រាប់ព្រឹត្តិការណ៍ដ៏អស្ចារ្យមួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈការរៀបរាប់នៅទំព័រហ្វេសប៊ុក តារាចម្រៀងប្រុស ណុប បាយ៉ារិទ្ធ បានឱ្យដឹងថា «ខ្ញុំពិតជាមានមោទនភាពដែលមានកិត្តិយសក្នុងការចូលរួមច្រៀង និងសម្ដែង នៅក្នុងមហាព្រឹត្តិការណ៍ បើក និងបិទ ការប្រកួតកីឡាអាស៊ីអាគ្នេយ៍លើកទី ៣២ ឆ្នាំ២០២៣ នៅកម្ពុជា»។

លោក ណុប បាយ៉ារិទ្ធ បានអះអាងថា «បទចម្រៀងទាំង ៣ បទ ដូចជា GO GO Sea Game , We did it , ជួបគ្នាម្តងទៀត (see you again) ជាបទចម្រៀងចេញពីបេះដូង ចំពោះព្រឹត្តិការណ៍ដ៏អស្ចារ្យនេះ និងគោរពផ្ញើជូនដល់បងប្អូន ជនរួមជាតិ អ្នកគាំទ្រទាំងអស់គ្នា ហើយទាំងអស់នេះនិងក្លាយជាឯកសារមួយសម្រាប់ជីវិតរបស់ខ្ញុំទៅថ្ងៃខាងមុខ»។

បន្ថែមទៀតនោះការងារមួយទៀត គឺលោកបានបង្កើត project concept ក្នុងការផលិតបទចម្រៀងមួយបទក្រោមចំណងជើងថា «ជោគជ័យរួមគ្នា» ដែលច្រៀងដោយក្រុមតារាចម្រៀងគ្រួសារហង្សមាសជំនាន់ក្រោយផងដែរ។

តាមរយៈស្នាមញញឹមរបស់ប្រជាពលរដ្ឋកម្ពុជាទាំងអស់ បានបង្ហាញពីការរួបរួមគ្នា ក្នុងការកសាងប្រវត្តិសាស្ត្រថ្មី ក្នុងព្រឹត្តិការណ៍កីឡាស៊ីហ្គេម ចារជាប្រវត្តិសាស្ត្រសម្រាប់មនុស្សជំនាន់ក្រោយ ជាមួយកិត្តិយសដ៏ឧត្តុង្គឧត្ដមជូនជាតិ។