ជីវិតកម្សាន្ដ

សោភា ទេពី អាចច្រៀងបាន ៨ ភាសា កម្រមានតារាណាធ្វើបានណាស់

បានផុស

១០ ខែ មុន

នៅ

ថ្ងៃសុក្រ ២៦ ឧសភា ២០២៣

ដោយ

បច្ចុប្បន្នតារាចម្រៀងវ័យក្មេង ញឹមសួន សោភាទេពី គេកត់សម្គាល់ថា ក្រោយចូលប្រឡូកក្នុងវិស័យសិល្បៈរយៈពេលប៉ុន្មានឆ្នាំមកនេះ ទាំងប្រជាប្រិយភាព និងសន្ទុះ នៃការគាំទ្រ ហក់ឡើងមិនចាញ់តារារៀមច្បងនោះឡើយ។ មិនតែប៉ុណ្ណោះ បើនិយាយពីរូបសម្ផស្សរបស់នាង ក៏ជាលទ្ធភាពក្នុងការទាក់ទងបុរសៗ ឲ្យលង់ស្នេហ៍ទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់ កញ្ញា សោភា ទេពី សព្វថ្ងៃក៏បានកំពុងក្លាយជាទីចាប់អារម្មណ៍របស់មហាជន និងអ្នកគាំទ្រផងដែរ តាមរយៈទេពកោសល្យសិល្បៈ និងទឹកដមសំឡេងច្រៀងយ៉ាងពីរោះផ្អែមបំពេអារម្មណ៍អ្នកស្ដាប់។ ម្យ៉ាងទៀតនាងក៏ត្រូវបានទស្សនិកជនសរសើរ ព្រោះតារាវ័យ ២០ ឆ្នាំរូបនេះ អាចច្រៀងចម្រៀងបានគ្រប់ចង្វាក់ ហើយបានច្រើនភាសាថែមទៀត។

បើតាមរយៈកិច្ចសម្ភាសន៍ជាមួយអ្នកសារព័ត៌មាន ស្រីស្អាត ញឹមសួន សោភាទេពី បានបញ្ជាក់ថា សម្រាប់ខ្លួននាងអាចច្រៀងចម្រៀងទាំងភាសាខ្មែរ និងបរទេសបានរហូតដល់ ៨ ភាសាឯណោះ។ ចំនួននេះ ត្រូវបានអ្នកគាំទ្រយល់ថា នាងជាតារាខ្មែរម្នាក់មានទេពកោសល្យ និងសមត្ថភាពខ្ពស់ ដែលតារាមួយចំនួនទៀតពុំទាន់អាចធ្វើបានទេ។

តារាចម្រៀងចូលចិត្តការតុបតែងខ្លួនសិចស៊ី ចាយសម្រស់បង្អួតមហាជន កញ្ញា សោភា ទេពី បាននិយាយថា «ចំពោះបទចម្រៀងដែលខ្ញុំអាចច្រៀងបានមានដូចជា ថៃ ឡាវ វៀតណាម ឥណ្ឌូណេស៊ី ចិន អង់គ្លេស បារាំង និងបទខ្មែរជាដើម»។ ចំណែកឯព័ត៌មានដែលគេសង្ស័យថានាងជាកូនកាត់វៀតណាម ត្រូវបាន ទេពី បញ្ជាក់ថា នាងមិនបានជាប់សាច់ឈាមកាត់វៀតណាមទេ គឺកូនខ្មែរសុទ្ធតែម្ដង។ គ្រាន់តែពេលខ្លះ នាងចូលចិត្តច្រៀងបទចម្រៀងរបស់វៀតណាមប៉ុណ្ណោះ៕

អត្ថបទ ៖ ចាន់រ៉ា