ជីវិតកម្សាន្ដ

នាយ ក្រូច យំអាណិតក្មួយស្រីចែកឋានទាំងវ័យក្មេង

បានផុស

៣ years មុន

នៅ

ថ្ងៃពុធ ១៦ សីហា ២០២៣

ដោយ

តារាកំប្លែងស្ងួត នាយ ក្រូច បានបង្ហាញការសោកសៅនៅក្នុងពេលមរណៈទុក្ខដ៏ក្រៀមក្រំរបស់ក្មួយស្រីជាទីស្រលាញ់ដែលបានចែកឋានទាំងវ័យក្មេងកាលពីថ្ងៃទី១៥ ខែសីហា ឆ្នាំ២០២៣ សារជំងឺ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាកំប្លែង នាយ ក្រូច ដែលត្រូវជាអ៊ុំបានបញ្ជាក់ថា ក្មួយស្រីរបស់លោកទទួលមរណភាពកាលពីម្សិលមិញមានឈ្មោះ ខុន ធីដា។ លោកបានរៀបរាប់ទាំងក្តីអាល័យពន់ពេកថា«ទៅចុះណាក្មួយកុំព្រួយពីប៉ា ម៉ាក់ កើតជាតិណាៗ កុំឱ្យអាយុខ្លីដូចជាតិនេះទៀតណាក្មួយស្រី ខុន ធីដា លាអ្នកទាំងអស់គ្នាគ្មានថ្ងៃត្រឡប់»។ នាយ ក្រូច បន្តថា ក្មួយស្រីដែលចែកឋានទៅនេះ គឺជាសិស្សដែលរៀនពូកែផងដែរ។

ចំណែកឯតារាកំប្លែងអ្នកនាង ស្រីអ៊ីត បានរៀបរាប់ដែរថា«សូមក្មួយស្រីទៅឱ្យបានសុខ កើតជាតិណាៗកុំឱ្យអាយុខ្លីដូចជាតិនេះទៀតមិនគួរអោយជឿទេ ក្មួយថាវាបែបនេះ ស្រីដា ជាក្មេងដែលស្អាត ឆ្លាត រៀនពូកែ ទាំងខ្មែរ នឹងអង់គ្លេស មិនគួរអាយុខ្លីសោះ»។ បើតាមការបញ្ជាក់ពីអ្នកនាង អ៊ីត បានឱ្យដឹងថាក្មួយស្រីនាងស្លាប់ដោយសារជំងឺតម្រងនោម។

តាមរយៈដំណឹងមរណៈភាពក្មួយស្រីរបស់តារាកំប្លែងទាំងពីររូបខាងលើនេះ គេឃើញមានអ្នកគាំទ្រព្រមទាំងសិល្បករ សិល្ប ការិនី ជាច្រើនបានសម្ដែងការចូលរួមសោកស្តាយ និង ផ្ញើរសារចូលរួមរំលែកមរណៈទុក្ខដ៏សោកសៅជាមួយគ្រួសារសពផងដែរ៕

អត្ថបទ៖ ចាន់រ៉ា