ជីវិតកម្សាន្ដ

សោភា ទេពី ចេញមុខបញ្ជាក់ ក្រោយមហាជនសង្ស័យជាកូនកាត់វៀតណាម

បានផុស

៣ years មុន

នៅ

ថ្ងៃចន្ទ ១៨ កញ្ញា ២០២៣

ដោយ

តារាចម្រៀងវ័យក្មេង ញឹមសួន សោភាទេពី ថ្មីៗនេះបានចេញមុខស្រាយចម្ងល់របស់មហាជនតាមរយៈកិច្ចសម្ភាសន៍មួយពាក់ព័ន្ធរឿងដែលមានអ្នកគាំទ្រមួយចំនួនសង្ស័យថា នាងជាកូនកាត់វៀតណាម ខណៈកាលពីកន្លងមក សោភាទេពី ឧស្សាហ៍ Cover បទចម្រៀងវៀតណាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បច្ចុប្បន្នតារាស្រី កញ្ញា ញឹមសួន សោភាទេពី គេកត់សម្គាល់ថា ក្រោយពេលដែលនាងបានចូលប្រឡូកក្នុងវិស័យសិល្បៈរយៈពេលប៉ុន្មានឆ្នាំមកនេះ ទាំងប្រជាប្រិយភាព និងសន្ទុះនៃការគាំទ្រហក់ឡើងមិនចាញ់តារារៀមច្បងនោះឡើយ។ មិនតែប៉ុណ្ណោះនាងក៏មានរូបសម្ផស្សស្រស់ស្អាត និងជាទីទាក់ទាញចំណាប់អារម្មណ៍មកលើរូបនាងផងដែរ។

ដោយឡែកជុំវិញរឿងដែលគេសង្ស័យថា នាងជាកូនកាត់វៀតណាមវិញ ត្រូវបានសោភាទេពីចេញមកបញ្ជាក់យ៉ាងខ្លីបែបនេះថា «នាងមិនបានជាប់សាច់ឈាមកាត់វៀតណាមទេ គឺនាងជាកូនខ្មែរសុទ្ធតែម្តង គ្រាន់តែពេលខ្លះនាងចូលចិត្តច្រៀងបទចម្រៀងរបស់វៀតណាមមកច្រៀងតែប៉ុណ្ណោះ»។ ចំណុចនេះបានធ្វើឲ្យមហាជនអាចអស់ចម្ងល់ទៅលើសោភាទេពី ទៀតហើយ។

ស្របពេលជាមួយគ្នានេះ កញ្ញា សោភា ទេពី សព្វថ្ងៃក៏បានកំពុងក្លាយជាទីចាប់អារម្មណ៍របស់មហាជន និងអ្នកគាំទ្រផងដែរ តាមរយៈទេពកោសល្យសិល្បៈ និងទឹកដមសម្លេងច្រៀងយ៉ាងពីរោះផ្អែមបំពេអារម្មណ៍អ្នកស្ដាប់។ ម្យ៉ាងទៀតនាងក៏ត្រូវបានទស្សនិកជនសរសើរ ព្រោះតែតារាវ័យ ២០ឆ្នាំ រូបនេះអាចច្រៀងចម្រៀងបានគ្រប់ចង្វាក់ហើយបានច្រើនភាសាថែមទៀត។

បើតាមការឲ្យដឹងពីស្រីស្អាត ញឹមសួន សោភាទេពី កាលពីកន្លងទៅនាងបានបញ្ជាក់ថា សម្រាប់ខ្លួននាងគឺអាចច្រៀងចម្រៀងទាំងភាសាខ្មែរ និងបរទេសបានរហូតដល់ ៨ ភាសាឯណោះ។ ចំនួននេះត្រូវបានអ្នកគាំទ្រយល់ថានាងជាតារាខ្មែរម្នាក់ដែលមានទេពកោសល្យ និងសមត្ថភាពខ្ពស់ដែលតារាមួយចំនួនទៀតពុំទាន់អាចធ្វើបានទេ។

តារាចម្រៀងចូលចិត្តការតុបតែងខ្លួនសិច ស៊ី ចាយសម្រស់បង្អួតមហាជន កញ្ញា សោភា ទេពី បាននិយាយថា”ចំពោះបទចម្រៀងដែលខ្ញុំអាចច្រៀងបានមានដូចជា,ថៃ ឡាវ វៀតណាម ឥណ្ឌូណេស៊ី ចិន អង់គ្លេស បារាំង និងបទ ខ្មែរជាដើម“៕

អត្ថបទ៖ចាន់រ៉ា