ជីវិតកម្សាន្ដ
ណុប បាយ៉ារិទ្ធ ៖ កុំខ្លាចធ្វើល្អខុសមនុស្ស គួរតែខ្លាចធ្វើអាក្រក់ប៉ះចំមនុស្សល្អ
តារាចម្រៀង លោក ណុប បាយ៉ារិទ្ធ លើកជាទស្សនៈផ្ទាល់ខ្លួនថា ជីវិតរាល់ថ្ងៃបង្រៀនលោក «កុំខ្លាចធ្វើល្អខុសមនុស្ស» គួរតែខ្លាច «ធ្វើអាក្រក់ប៉ះចំមនុស្សល្អ» ច្រើនជាង។
តារាចម្រៀងលោក ណុប បាយ៉ារិទ្ធ បានលើកឡើងថា «បើអ្នកស្មោះត្រង់នឹងខ្លួនឯង និងអ្នកដទៃ ទាំងចំពោះមុខ និងក្រោយខ្នង តម្លៃដែលអ្នកទទួលបានគឺគុណធម៌ និងផលបុណ្យដែលកើតពីសន្តានចិត្តបរិសុទ្ធ តែបើអ្នកធ្វើអាក្រក់នៅពីខាងក្រោយខ្នងនរណាម្នាក់ដែលគេមិនបានធ្វើអាក្រក់ចំពោះអ្នកសោះ តែអ្នកបែរជាបង្កើតរឿងមួលបង្កាច់ប្រឌិតរឿងទៅប្រាប់ទៅ អ្នកនេះ ប្រាប់ទៅអ្នកនោះ ដោយទម្លាក់កំហុសឲ្យគេ ឲ្យអ្នកនោះជឿអ្នក ឲ្យអ្នកនោះគិតខុស ហើយស្អប់គេ នៅម៉ោងនោះអ្នកនឹងញញឹម សប្បាយរីករាយជាមួយជោគជ័យដែលកើតពីចេតនាអាក្រក់ និងកលល្បិចរបស់អ្នក តែកម្មពៀរដែលអ្នកធ្វើនោះ នឹងវិលមកបំផ្លាញអ្នកវិញមិនឲ្យអ្នករួចខ្លួនឡើយ»។
លោក ណុប បាយ៉ារិទ្ធ បន្តថា «ហើយរឿងនេះវានឹងសងអ្នកវិញ ដោយតម្រូវឲ្យមនុស្សជា ទីស្រលាញ់របស់អ្នកបំផុត ធ្វើដាក់អ្នកវិញ មិនមែនម្នាក់ មិនមែនពីរនាក់ ប្រៀបបាននឹងអ្នកយកដៃឆ្វេង និងដៃស្តាំ រួមគ្នាកាន់កាំបិតរួចចាក់ចំបេះដូងខ្លួនឯងដូចគ្នា។ ពេលខ្លះអ្នកអាចនឹងឈរយំកណ្តាលចំណោមមនុស្ស ដោយភ្លេចការអៀនខ្មាសទៀតផង»។
តារាចម្រៀង រូបនេះ បានលើកជាសំនួរថា «តើវាមិនមែនជាកម្មពៀរទេឬ..? តែអ្នកចាំថាពេលដែលអ្នកប្រឹងរកវិធីលួចធ្វើអាក្រក់ដាក់គេពីក្រោយខ្នងហើយគេដឹងគេអត់ខ្វល់ទេ គេអត់ឈឺទេ គឺគេអត់យំទេ គេនៅតែញញឹម ញញឹមចាំមើលថ្ងៃដែលអ្នកទទួលកម្មពៀររបស់អ្នកវិញ តើអ្នកនៅមានទឹកភ្នែកយំបានប៉ុន្មានដង នេះហើយបទពិសោធន៍ជីវិត «កុំធ្វើអាក្រក់ខុសប៉ះចំមនុស្សល្អ» កុំប្រាថ្នាបង្កើតកម្មពៀរ ព្រោះបើបង្កើតកម្មពៀរ គឺអ្នក នឹងក្លាយជាម្ចាស់ នៃកម្មពៀរ»។
តារាចម្រៀងលោក ណុប បាយ៉ារិទ្ធ បានបន្ថែមទៀតថា បើរស់បានសុខហើយ បានល្អហើយ «ធ្វើល្អ » ព្រោះធ្វើល្អមិនបានលុយមែន តែគេសម្គាល់ទុកថាយើងជាមនុស្សល្អ ទើបមិនខ្វះមិត្ត មិនខ្វះអ្នកស្រលាញ់។
កត់សម្គាល់ជារឿយៗ លោក ណុប បាយ៉ារិទ្ធ តែងតែចែករំលែកបទពិសោធន៍ល្អៗ ដើម្បីជាគំនិតដល់អ្នកគាំទ្រ ទាំងភាពជោគជ័យ និងការប្រព្រឹត្តទង្វើល្អៗ សម្រាប់មនុស្សនៅជុំវិញខ្លួន៕
អត្ថបទ ៖ ចាន់រ៉ា
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១៥ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៧ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម