ជីវិតកម្សាន្ដ

ពេជ្រ សោភា ដាស់តឿន កុំឲ្យមើលងាយខ្លួនឯងតាមមាត់អ្នកដទៃឲ្យសោះ

បានផុស

១ year មុន

នៅ

ថ្ងៃពុធ ២២ វិច្ឆិកា ២០២៣

ដោយ

តារាចម្រៀងស្រីអ្នកនាង ពេជ្រ សោភា ស្របពេលអាជីពសិល្បៈកាន់តែជោគជ័យ និងមានទីផ្សារគាំទ្រច្រើន ស្រាប់តែនាងចេញមកបំផុសស្មារតីដល់អ្នកគាំទ្រ និងមហាជន កុំមើលងាយ ឬ បោះបង់ខ្លួនឯងតាមមាត់គេឲ្យសោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមខ្លឹមសាររបស់តារាចម្រៀងលំដាប់ប្រទេសអ្នកនាង ពេជ្រ សោភា នាពេលនេះបានធ្វើឡើងហាក់មានចេតនាដាស់តឿនមហាជនឲ្យមានស្មារតីត្រូវចេះស្រលាញ់ខ្លួនឯងបានច្រើនជាងការជឿសម្តីរបស់អ្នកដទៃ។

តារាស្រីអ្នកនាង ពេជ្រ សោភា បានទម្លាយដូច្នេះថា «អ្នកណាចង់ថាឲ្យយើង ឬ មើលងាយយើងក៏បាន តែយើងត្រូវចាំថា យើងមិនអាចមើលងាយខ្លួនឯងតាមមាត់គេទេ ហើយក៏កុំបោះបង់ខ្លួនឲ្យសោះ ព្រោះយើងរស់នៅជាមួយខ្លួនយើង ប្រើជីវិតជាយើង»។ យ៉ាងណា ការលើកឡើងរបស់ ពេជ្រ សោភា ខាងលើនេះ ក៏មានការបញ្ចេញមតិគាំទ្រនាងផងដែរ។

ជាមួយនេះ ក៏មានការលើកឡើងពីសំណាក់អ្នកគាំទ្រដែរថា «រៀនបើកចិត្តឲ្យទូលាយ ទើបរស់នៅមានក្ដីសុខ , ចង់នរណានិយាយអ្វីអាក្រក់ ឬ ល្អ បងនៅតែជាអាយដលដ៏ល្អបំផុតសម្រាប់ហ្វេនៗ មានតែអ្នកដែលស្រលាញ់បងពិតទេទើបអាចដឹងថា បងជាមនុស្សបែបណា»។ ចំណែកខ្លះទៀតក៏បង្ហាញការលើកទឹកចិត្តបន្ថែមដល់តារាចម្រៀង ពេជ្រ សោភា ផងដែរ៕

អត្ថបទ ៖ ចាន់រ៉ា