តួ Nanno ក្នុងរឿង “Girl from Nowhere” ​ ​ ​ស្រកគីឡូខ្លាំងពេក រហូតធ្វើឲ្យអ្នកគាំទ្រ​បារម្ភ​

រូបភាពចុងក្រោយរបស់តារាសម្តែង kitty chicha amatayakul​ ទទួលពានរង្វាន់នៅក្នុងព្រឹត្តិការណ៍មួយ​ បានទាក់ទាញការចាប់អារម្មណ៍យ៉ាងខ្លាំង ពីសំណាក់អ្នកចូលរួមនិងពេញ​បណ្តាញ​សង្គម​។ អ្វីដែលកាន់តែចាក់ភ្នែកអ្នកទស្សនានោះគឺរាងកាយរបស់នាងផ្ទាល់តែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈរូបភាពច្រើនសន្លឹកអមដោយវីដេអូឃ្លិបរបស់តួស្រីក្នុងរឿង​ “Girl from Nowhere”ហាក់មានរាងកាយស្គមស្គាំងជាងមុនខ្លាំង។ រហូត​មាន​មនុស្ស​ជា​ច្រើន​មាន​ការ​ព្រួយ​បារម្ភ​ថា​​ មាន​រឿង​អ្វី​កើត​ឡើង​ចំពោះ​នាង​ឬ​អត់? ហេតុអ្វីបានជាទម្ងន់ធ្លាក់ចុះខ្លាំងម្ល៉េះ?

ទោះយ៉ាងណាក៏ដោយ មិនបានទុកឲ្យអ្នកគាំទ្ររបស់នាងនៅក្នុងការសង្ស័យយូរនោះទេ។ ដោយសារតែមានអ្នកគាំទ្រម្នាក់បានចូលមក Comment និងពន្យល់ជំនួសវិញថា ពេលនេះ Kitty កំពុងថតរឿងបរទេសដែលមានចំណងជើងថា The Evil ដែលជាហេតុធ្វើឲ្យនាងស្រកទម្ងន់ ដើម្បីឲ្យមានភាពប្រាកដនិយមចំពោះតួអង្គដែលនាងសម្ដែង។ ជាពិសេសនៅពេល​នាងសម្ដែងក្នុងភាពយន្តមួយនេះនឹងសក្តិសមបំផុតផងដែរ។

យ៉ាងណាមិញ មកទល់ពេលនេះ តារាសម្ដែងវ័យក្មេង​ kitty chicha មិនបានធ្វើការបកស្រាយពីមូលហេតុច្បាស់លាស់នៃការសម្រក់ទំងន់របស់នាង ប្រាប់ដល់ទស្សនិកជននោះទេ។ ស្របពេលដែលអ្នកគាំទ្រជាច្រើនដាក់ការសង្ស័យថា នាងអាចមានជំងឺណាមួយជាប់ខ្លួនទើបស្រកគីឡូលឿនខ្លាំងសឹងចំណាំមិនស្គាល់៕

ប្រែសម្រួល៖ សាង ស្រីល័ក្ខ

ប្រភព៖Sanook

ចុចអាន៖តួស្រីក្នុងរឿង “បុព្វេសន្និវាស” មើលមួយភ្លែតស្មានថាជាបវរកញ្ញាចក្រវាល Sheynnis