ជីវិតកម្សាន្ដ

តួស្រីក្នុងរឿង “បុព្វេសន្និវាស” មើលមួយភ្លែតស្មានថាជាបវរកញ្ញាចក្រវាល Sheynnis

បានផុស

៧ ខែ មុន

នៅ

ថ្ងៃព្រហស្បតិ៍ ២៣ វិច្ឆិកា ២០២៣

ដោយ

យោងតាមការចុះផ្សាយដោយ thaiger បញ្ចាក់ថា តារាសម្ដែងស្រីកូនកាត់ Susi Susira Angelina និងជាតួស្រីក្នុងរឿង បុព្វេសន្និវាស បានប្រែក្លាយខ្លួនក្លាយជា Sheynnis ជាបវរកញ្ញាចក្រវាលឆ្នាំ ២០២៣ ទើបនឹងជាប់ជយលាភីនាពេលថ្មីៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈរូបភាពច្រើនសន្លឹកនោះផងដែរ បានបង្ហាញឲ្យឃើញពីសម្រស់របស់តារាស្រីរូបនេះស្អាតប្លែកខ្លាំងសឹង ចំណាំមិនស្គាល់។ ហើយភាពស្រស់សនេះផងដែរបានមកពីជាងផាត់មុខដ៏ល្បីរបស់នាង គឺលោក Nong Chat Chai Phiang Apichart ដែលជាអ្នកតុបតែងមុខលំដាប់កំពូលរបស់ប្រទេសថៃ ថ្មីៗនេះលោកបានផាត់មុខយ៉ាងធ្ងន់លើ Susie Susira ដើម្បីក្លាយជា Cheynis Palacios ក្នុងកម្មវិធី Miss Universe 2023។

Susie Susira ក្នុងរូបរាងបវរកញ្ញាចក្រវាលឆ្នាំ២០២៣ អាចនិយាយបានថាធ្វើឲ្យអ្នកគាំទ្រពេញចិត្តខ្លាំង ដោយ Nong Chat បានបង្ហោះរូបភាពនោះតាមរយៈ Facebook រួមនឹងការលើកឡើងថា “ប្រែក្លាយ ថាវថុង គីបម៉ា ទៅជាបវរកញ្ញាចក្រវាល Susie Susira”។

ប៉ុន្មានម៉ោងក្រោយមក ការងារផាត់មុខរបស់ Susie ក្នុងឈុត Miss Universe 2023 ទទួលបានការចាប់អារម្មណ៍ពីអ្នកនិយមលេងអ៊ីនធឺណិត ដោយបានសម្រុកចូលមកចុច Like ដល់ទៅជាងកន្លះពាន់នាក់។ ទន្ទឹមនឹងការបញ្ចេញមតិសរសើរពីសមត្ថភាពរបស់ Nong Chat ដែលអាចតុបតែងមុខមាត់ដូច Cheynis ក្នុងនោះក៏មានការសរសើរសម្រស់របស់តួស្រីក្នុងរឿងបុព្វេសន្និវាស យ៉ាងគគ្រឹកគគ្រឹងផងដែរ៕