បាត់មុខ២ឆ្នាំ តួប្រុសរឿង “ពូម៉ូតូឌុបបះសក់” ថា អាជីពសម្ដែងមិនមែនជាសម័យកាលលោកទេ

បន្ទាប់ពីបាត់​មុខ​ពី​ការ​សម្ដែង​ជិត​២​ឆ្នាំ Peach Pachara បានវិលត្រលប់មកកាន់អាជីពសម្ដែងវិញ ដោយរូបលោកផ្ទាល់បានទម្លាយពីអារម្មណ៍ពិតទៅកាន់ក្រុម​សារព័ត៌មាន​ថា វិស័យ​សិល្បៈ​បាន​ផ្លាស់​ប្តូរ សម័យនេះមិនមែនជាសម័យកាលរបស់លោកទៀតទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រឡូកក្នុងអាជីពសម្ដែងភាពយន្តអស់រយៈពេលជាង១៤ឆ្នាំ តួឯកប្រុសក្នុងរឿង “ពូម៉ូតូឌុបបះសក់” ស្រាប់តែបង្ហាញមុខជាសាធារណៈ ហើយទម្លាយពីអារម្មណ៍ពិត ពីមូលហេតុដែលលោកបានបាត់មុខពីអាជីពមួយនេះមួយរយៈធំ។ តារាប្រុសរូបនេះបានប្រាប់ដល់អ្នកសារព័ត៌មានថា “ពេលវេលាផ្លាស់ប្តូរ ហើយឥឡូវនេះខ្ញុំមានអាយុ ៣០ឆ្នាំហើយ វាធ្វើឲ្យតួនាទីដែលខ្ញុំធ្លាប់ទទួលបានដែលជាតួនាទីវ័យជំទង់ ហាក់ដូចជាកាន់តែឆ្ងាយទៅៗ”។

លើសពីនេះទៀតដែរ តារាប្រុសកើតក្នុងគំនរទ្រព្យដែលមានឪពុកជាសេដ្ធីជំនួញប្រចាំប្រទេសថៃ ​បានបញ្ចាក់ទៀតថា បច្ចុប្បន្ននេះ មានតួនាទីតិចជាងមុនដែលលោកត្រូវបានអ្នកដឹកនាំជ្រើសរើស សូម្បីតែបន្ទាប់ពីថតរឿងក្នុងទម្រង់មនុស្សពេញវ័យក៏ដោយ។ ប៉ុន្តែ​តារា​សម្ដែង​ដែល​មាន​រូប​ភាព​វ័យ​ក្មេង​ពី​មុន ​គ្រាន់តែជាសម័យកាលមួយ ហើយការចាប់ផ្តើមថ្មីជាមួយនឹងតួនាទីមនុស្សពេញវ័យ វា​មិន​មាន​ភាព​ងាយ​ស្រួលនោះទេ។

ទោះយ៉ាងណាក៏ដោយ ថ្វីបើបាត់មុខយ៉ាងយូរមែនពិត ប៉ុន្តែ Peach Pachara បានបន្សល់នូវកេរ្តិ៍ឈ្មោះយ៉ាងច្រើនក្នុងវិស័យសិល្បៈថៃ គាត់ត្រូវបានគេស្គាល់ថាជាតួឯកប្រុសនៅក្នុងខ្សែភាពយន្តឆ្នាំ ២០១១ក្នុងរឿង SuckSeed និង The Billionaire ។ បច្ចុប្បន្នលោកកំពុងធ្វើការជាមួយប៉ុស្តិ៍លេខ៣ ហើយក៏ជាតួសំខាន់ក្នុងរឿងភាគយុវវ័យស៊េរី Hormones: The Series ដែលដើរតួជានាយ Win ធ្លាប់ល្បីល្បាញកាលកន្លងមកផងដែរ៕

អត្ថបទ៖ សាង ស្រីល័ក្ខ

ចុចអាន៖អ្នកគ្រប់គ្រង A ទម្លាយថា Aum ប្រើអំណាចលើនាងរាល់ពេលចេញក្រៅម្ដងៗ