ជីវិតកម្សាន្ដ
ខកខានឃើញមុខយូរ Angelababy បង្ហាញខ្លួនលើដីអាមេរិក ទាក់ទាញភ្នែកមហាជនព្រោងព្រាត
តារាសម្ដែងស្រីចិន Angelababy បានទាក់ទាញការចាប់អារម្មណ៍ដោយសារឈុតប៉ាក់វែងអន្លាយលើដងខ្លួន និងគ្រឿងអលង្ការដ៏ប្រណិតនៅក្នុងកម្មវិធី British Academy of Film and Television Arts (BAFTA) Gala ឆ្នាំ ២០២៤ ក្នុងទីក្រុងឡុងដ៍ កាលពីថ្ងៃទី ១៥ ខែកុម្ភៈឆ្នាំ២០២៤ កន្លងទៅនេះ។
យោងតាម Business Insider បានចុះផ្សាយថា តារាម៉ូដែលនិងជាតារាចម្រៀងដ៏មានស្នាដៃមួយរូបនោះ បានច្នៃម៉ូដ Cheongsam ដែលបំផុសគំនិតដោយផ្ទាំងគំនូរទេសភាពរបស់ចិន បន្ទាប់ពីបានរចនាឡើងដោយខ្លួនឯង អមដោយអ្នករចនាម៉ូដហុងកុង Barney Cheng ផងដែរ។
រ៉ូបដ៏ល្អឯកដែលតារាស្រីចិន Angelababy បានស្លៀកចូលរួមកម្មវិធីលំដាប់ពិភពលោកបានផលិតឡើងពីសសៃសូត្រ brocade ទាមទារឲ្យអ្នកធ្វើត្រូវចំណាយពេលដល់ទៅ ៤៦០ម៉ោងនៃសិល្បៈហត្ថកម្មដ៏ប្រណិត នេះបើយោងតាមការចុះផ្សាយរបស់កាសែត Sin Chew ដែលមានមូលដ្ឋាននៅប្រទេសម៉ាឡេស៊ី។ ឈុតនេះថែមទៀត បានស្រោបដោយគ្រឿងលម្អពណ៌ប្រាក់ បង្ហាញឲ្យឃើញពីចង្កេះដ៏ស្ដើង បន្ថែមភាពទាក់ទាញពីទស្សនិកជនបរទេសជាច្រើន។
ដោយឡែក នៅលើបណ្ដាញសង្គមចិន Weibo ទស្សនិកជនបានសរសើរពី Angelababy ព្រមៗគ្នាថានាងគឺជាសម្រស់បែបបូព៌ាដែលគយគន់មិនជិនណាយសូម្បីតែម្ដងណា។ ថ្វីបើនាងអវត្តមានលើប្រព័ន្ធផ្សព្វផ្សាយសង្គម និងត្រូវបានរឹតបន្តឹងកាលពីឆ្នាំមុន ជាមួយនឹងការហាមប្រាមតាមអ៊ិនធរណេត ក្រោយទស្សនាការសម្តែងរបស់ Lisa សមាជិកក្រុម Blackpink នៅទីក្រុងប៉ារីស ក៏ពិតមែន។ ប៉ុន្តែការបង្ហាញខ្លួនរបស់ Angelababy នៅតែបង្កើតភាពទាក់ទាញមិនថាមហាជនបរទេសឬថ្នាក់ជាតិនោះទេ។
ទោះបីជាយ៉ាងណាក៏ដោយ ជាមួយនឹងការលុបចោលបម្រាមនេះ នាងបានប្រារព្ធពិធីបុណ្យចូលឆ្នាំថ្មី ដោយចែករំលែករូបថត និងវីដេអូផ្សព្វផ្សាយនៅលើវេទិកាប្រព័ន្ធផ្សព្វផ្សាយសង្គមរបស់នាងកាលពីពាក់កណ្តាលខែកុម្ភៈ។ ជារឿយៗត្រូវបានប្រដូចទៅនឹង Kim Kardashian ជនជាតិចិន Angelababy គឺជាវត្តមានដ៏សំខាន់នៅក្នុងឧស្សាហកម្មកម្សាន្តអាស៊ីបូព៌ាដែលមិនអាចខ្វះបានឡោះយ៕
អត្ថបទ៖ សាង ស្រីល័ក្ខ
ចុចអាន៖រដ្ឋមន្ត្រីទេសចរណ៍ ថៃ ថា Lisa នឹងជួយទាញចំណូលបន្ថែមទៀត ក្រោយចូលខ្លួនសម្ដែងកុនហូលីវូដ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ