ព័ត៌មានអន្ដរជាតិ
រដ្ឋមន្ត្រីទេសចរណ៍ ថៃ ថា Lisa នឹងជួយទាញចំណូលបន្ថែមទៀត ក្រោយចូលខ្លួនសម្ដែងកុនហូលីវូដ
រដ្ឋមន្ត្រីក្រសួងទេសចរណ៍ និងកីឡាបញ្ជាក់ថា Lisa សមាជិកក្រុម Blackpink នឹងសម្តែងក្នុងរឿង The White Lotus រដូវកាលទី ៣ ដោយមានការគាំទ្រពីអាជ្ញាធរទេសចរណ៍ថៃ (TAT) ក្នុងការជ្រើសទីតាំងសម្រាប់ថត ខណៈដែលភាពយន្តត្រូវបានគេចាត់ទុកថាជា Soft power របស់ប្រទេសថៃ។
យោងតាមសារព័ត៌មាន today.line ដោយដកស្រង់នូវសម្ដីរបស់លោកស្រី Sudawan Wangsuphakitkoson រដ្ឋមន្ត្រីក្រសួងទេសចរណ៍ និងកីឡា បានបញ្ជាក់ថា Lisa នឹងសម្តែងក្នុងរឿង The White Lotus រដូវកាលទី៣ ដោយមានអាជ្ញាធរទេសចរណ៍គាំទ្រការប្រើប្រាស់ទីតាំងថតនៅកោះសាមុយ ភូកេត និងបាងកក។ ភាពយន្តនេះអាចបង្កើតតម្រូវការកាន់តែច្រើនសម្រាប់អ្នកទស្សនានូវរឿងបែបហូលីវូដ ឲ្យដើរតាមគន្លងរបស់អាយដលពួកគេ ហើយគ្រោងនឹងធ្វើដំណើរទេសចរណ៍ទៅកាន់ប្រទេសថៃកាន់តែច្រើនឡើងៗ។
![](https://www.kampucheathmey.com/wp-content/uploads/2024/02/image-1101-1024x682.png)
រដ្ឋមន្ត្រីទេសចរណ៍ថៃរូបនេះបាននិយាយបន្ថែមទៀតថា ជាពិសេសក្នុងពេលដែលភាពយន្តត្រូវបានផលិតនៅប្រទេសថៃ និងជាទីតាំងថត វាអាចនឹងអាចបង្កើតរូបភាពបានយ៉ាងល្អក្នុងវិស័យទេសចរណ៍ រួមទាំងតារាសម្តែង ហើយក្រុមដែលចូលមកស្នាក់នៅក្នុងប្រទេសថៃជាច្រើនថ្ងៃ មានការកើនឡើងនៃវិស័យទេសចរណ៍ និងការចំណាយ។ ដូច្នេះវាអាចបង្កើតការងារបានយ៉ាងច្រើនដល់បុគ្គលិកដែលមានជំនាញឯកទេសស្រាប់។ ដោយសារតែម្នាក់ៗអាចរៀនពីអ្នកជំនាញបរទេសពិតប្រាកដនៅក្នុងឧស្សាហកម្មភាពយន្តមួយនេះ។
ដោយឡែក ពាក់ព័ន្ធនឹងករណីដែលលោកនាយករដ្ឋមន្រី្ត សេដ្ឋា ថាវីស៊ីន ប្រកាសទាក់ទាញសិល្បករលំដាប់ពិភពលោកមកប្រគំតន្ត្រីនៅប្រទេសថៃ ដើម្បីបង្កើតការចំណាយកាន់តែច្រើននៅក្នុងសេដ្ឋកិច្ច ផ្នែកនេះរបស់ក្រសួងក៏ត្រៀមខ្លួនរួចជាស្រេចក្នុងការសហការយ៉ាងពេញលេញ ក្នុងការគាំទ្រលើបញ្ហាដែលពាក់ព័ន្ធ ដូចជាការសម្របសម្រួលទិដ្ឋាការសម្រាប់ក្រុមដែលចូលមក តាមរយៈកិច្ចសហប្រតិបត្តិការជាមួយក្រសួងការបរទេស។ ដោយសារតែការប្រគំតន្ត្រីថ្មីៗរបស់សិល្បករល្បីៗដូចជាតារាតៃវ៉ាន់ Jay Chou និងតារាចម្រៀងបរទេស Ed Sheeran ត្រូវបានគេរកឃើញថាមានអ្នកទេសចរបរទេសកាន់តែច្រើន ដែលជាអ្នកគាំទ្រមកលេងក្នុងអំឡុងពេលនោះ ដើម្បីមើលការប្រគំតន្ត្រីរបស់សិល្បករដែលពួកគេចូលចិត្ត ក្រុមទាំងនេះគឺជាអ្នកទេសចរដែលមានអំណាចទិញខ្ពស់ ចំណាយច្រើន ស្នាក់នៅសណ្ឋាគារល្អ និងញ៉ាំអាហារថ្លៃៗ ដែលប្រសិនបើធ្វើជាបន្តបន្ទាប់ វានឹងមានឥទ្ធិពលយ៉ាងខ្លាំងដល់សេដ្ឋកិច្ចទាំងមូល។
យ៉ាងណាមិញ ជាចុងក្រោយនេះលោកស្រី Sudawan បានបង្ហាញនូវប្រាក់ចំណូលចូលជាតិដោយបញ្ចាក់ថា តាមទិន្នន័យដែលបានរកឃើញ នៅឆ្នាំ ២០១៩ មុននឹងជំងឺកូវីដ-១៩ កើតឡើង ប្រទេសថៃទទួលបានប្រាក់ចំណូលពីការថតភាពយន្តបរទេសចំនួន ៤.៤៦៣.៧៤ លានបាត ក្នុងឆ្នាំ២០២១ បើទោះបីជានៅតែមានការផ្ទុះឡើងនៃជំងឺកូវីដ១៩ក៏ដោយ។ ប៉ុន្តែក៏មានផលិតករភាពយន្តមកថតភាពយន្តនៅប្រទេសថៃ ដែលបានបង្កើតចំណូលជាង៥.០០៧លានបាត ហើយឆ្នាំ២០២២-២០២៣ មានចំណូលប្រមាណ៦.០០០លានបាតឯណោះ៕
![](https://www.kampucheathmey.com/wp-content/uploads/2024/02/image-1100-1024x563.png)
អត្ថបទ៖ សាង ស្រីល័ក្ខ
ចុចអាន៖លោកសេដ្ឋា ប្រាប់ថា សិង្ហបុរីឆ្លាត ដែលមិនឲ្យ Taylor Swift មកប្រគំតន្ត្រីក្នុងប្រទេសថៃ
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច២ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ៥ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ