ល្អហួស ប្តេជ្ញាដណ្ដើមជ័យជំនះលើឆាកអន្តរជាតិមកជូនប្រជាជនកម្ពុជា

ម្ចាស់​មកុដ​ Miss Preteen International Cambodia 2023 យុវតី ជូរី ល្អហួស បាន​ប្រកាស​ឆន្ទៈ​ដោយ​ប្តេជ្ញា​ដណ្ដើម​ជ័យជំនះ​នៅលើឆាក​អន្តរជាតិ មក​ជូន​ប្រជាជន​កម្ពុជា​ក្នុង​ការប្រកួត​នាពេលឆាប់ៗខាងមុខនេះ។

ជា​ការពិតណាស់​បវរកញ្ញាយុវតី ជូរី ល្អហួស ដែល​ជាម្ចាស់​មកុដ Miss Preteen International Cambodia 2023 បន្ទាប់​ពីក្លាយជាម្ចាស់មកុដ​ នាង​ក៏​បាន​ត្រៀមខ្លួន​រួច​ជាស្រេច​ក្នុងការចេញទៅ​ប្រកួតតំណាង​កម្ពុជា​លើឆាកអន្តរជាតិ។ បច្ចុប្បន្នបវរកញ្ញាយុវតី ជូរីល្អហួស បានខិតខំប្រឹងនឹង ហ្វឹកហាត់​យ៉ាងខ្លាំង​ក្នុង​ការពង្រឹង​សមត្ថភាព​បន្ថែម​ដើម្បី​ចេញ​ទៅដណ្តើម​យកជ័យជំនះនៅក្នុងការ​ប្រកួត​អន្តរជាតិ។

កញ្ញា ជូរី ល្អហួស បានបញ្ជាក់ឆន្ទៈ​របស់​ខ្លួនថា“នាងខ្ញុំជូរី ល្អហួស នឹងខិតខំប្រឹងប្រែង​ទាំងកម្លាំងចិត្ត និងកម្លាំងកាយ​ឲ្យអស់ពីសមត្ថភាពដើម្បីដណ្ដើម​ជ័យជំនះ​ពីលើឆាកអន្តរជាតិមកជូនប្រជាជនកម្ពុជាឲ្យបាន”។

កន្លងមកគេ​ចាំបាន​ថា ល្អហួស ក៏បាន​ប្រកាស​ប្តេជ្ញាយកជ័យជំនះលើឆាកអន្តរជាតិដើម្បីមកជូន​ប្រទេសកម្ពុជា​ដោយភាពជឿជាក់។ ម្ចាស់​មកុដ​រូបនេះ​បាន​បញ្ជាក់ថា នាង​ខ្ញុំ​នឹងខិតខំដុះខាត់​ទាំង​សមត្ថភាព និង​ចំណេះដឹង​ដើម្បីតំណាង​ប្រទេស​ទៅប្រកួតនៅលើឆាក​អន្តរជាតិ។

ទន្ទឹមគ្នានេះ​គៀកជិតដល់ថ្ងៃចេញទៅប្រកួតនាពេលខាងមុខ ល្អហួស បានសុំការលើកទឹកចិត្តពីមហាជនអ្នកគាំទ្រផងដែរ​ដោយ​ក្នុងនោះនាង​បញ្ជាក់ថា” ថ្ងៃទី ២៧ ខែមីនា ឆ្នាំ២០២៤ នាងខ្ញុំ​និងចេញទៅប្រកួតនៅ​ឯប្រទេស​ថៃពុកម៉ែបងប្អូនអាចមកជូនដំណើរនាងខ្ញុំបាននៅវេលាម៉ោង ៩ព្រឹកនៅព្រលានយន្តហោះពោចិនតុង”។

ម្ចាស់មកុដបរវកញ្ញាយុវតីកម្ពុជាឆ្នាំ2023 ជូរី ល្អហួស ក៏ត្រូវបានទស្សនិកជន​កត់សម្គាល់ឃើញថា ពិតជា​មានភាពលេចធ្លោ​ខ្លាំងទាំង​រូបសម្ផស្ស និង​ចំណេះ​ដឹងដែលអាចធ្វើ​បានល្អរហូតដណ្តើមបានមកុដ Miss Preteen International Cambodia 2023។ ល្អហួស បានកំពុង​ត្រៀមខ្លួនចេញទៅ​ប្រកួតនៅលើឆាកអន្តជាតិនាជា​មួយបណ្តាប្រទេសជា​ច្រើនទៀតមកពីជុំវិញពិភពលោក៕

អត្ថបទ៖ ចាន់រ៉ា