ម្តាយ ល្អហួស ចេញមុខឆ្លើយតបការពារកូនស្រីក្រោយនារីម្នាក់ថា មិនគួរលើកយករឿងសង្គ្រាមមកនិយាយ

អ្នកនាង ដេននី ក្វាន់ ដែលជាម្តាយបង្កើត ជូរី ល្អហួស បានចេញមុខឆ្លើយតបទៅកាន់នារីម្នាក់ដែលនិយាយថា ល្អហួសឱ្យតែប្រឡងម្តងៗនាងតែងតែយំទួញសោក ហើយចោទសំណួរថា “ហេតុអី្វក៏តែងតែយំឱ្យតែប្រឡង”។

នៅក្នុងថ្ងៃប្រឡងផ្តាច់ព្រ័ត្រនៃកម្មវិធី Miss Teen Cambodia 2025បវរកញ្ញាយុវតី ល្អហួស បានលើកយកប្រធានបទ “២៤ កក្តដា ខ្មែររងការបាញ់ប្រហារពីថៃ” មកនិយាយទាំងអួលដើមកនៅក្នុងកម្មវិធីប្រកួតមួយនេះ។ ក្នុងនោះគេសង្កេតឃើញមហាជនជាច្រើនបានបង្ហាញការគាំទ្រ និងកោតសរសើរខ្លាំងចំពោះការលើយកប្រធានបទខាងលើនេះ មកបង្ហាញទៅកាន់ពិភពលោក។

ទោះបីយ៉ាងស្រាប់តែមាននារីម្នាក់បានបញ្ចេញមតិថាមិនដែលឃើញប្រទេសណានៅថ្ងៃប្រឡង Miss Teen យំទួញសោកអ៊ីចឹងទេ គួរតែយកសាច់រឿងអ្វីផ្សេងមកនិយាយតែមិនមែនថា មិនអើពើនិងរឿងសង្គ្រាមទេ ហេតុអី្វក៏តែងតែយំឱ្យតែប្រឡង?។ យើងអាចរើសយក content ផ្សេងៗទៀតបានតើ។នេះជាថ្ងៃប្រឡ ងផ្នែកសម្រស់ភាពស្រស់ស្អាតនិងញញឹម ចែកចាយក្តីសប្បាយនិងសម្ថភាពខ្លួនក្រៅពីសម្រស់។

ប្រភពដដែលបានបន្តថា “ខ្ញុំតែងតែចូលចិត្តល្អហួសគេមានដុងគ្រប់ទំរង់ និងវ័យក្មេងជោគជ័យហួសអាយុ បើមិនជាប់ទៀតមានតែគណ:កម្មការ”។ ឆ្លើយតបការលើកឡើងនេះ ដេននី ក្វាន់ ដែលជាម្តាយបានបញ្ជាក់ថា “បើមិនអោយល្អហួសលើកយកប្រធានថៃបើកសង្គ្រាមបាញ់កម្ពុជាតើចង់អោយគាត់យកអី្វមកនិយាយ? ការដែលយករឿងពិតមកនិយាយហើយជារឿងប្រវត្តិសាស្រ្តដ៏ឈឺចាប់អ្នកណាក៏យំដែរបើមិនយំមិនឈឺចាប់មិនមែនជាខ្មែរនោះទេ”។

សូមបញ្ជាក់ថា ឆ្លងកាត់ការប្រកួតយ៉ាងស្វិតស្វាញទី បំផុតកម្មវិធីប្រកួតសម្រស់បវរកញ្ញាយុវតី Miss Teen Cambodia 2025 បានឈានដល់វគ្គប្រកួតផ្ដាច់ព្រ័ត្រហើយដោយរកឃើញម្ចាស់ជ័យលាភីគ្រងមកុដថ្មី Miss Teen Cambodia ប្រចាំឆ្នាំ២០២៥ គឺបានទៅលើ ជូរី ល្អហួស ដែលត្រៀមតំណាងកម្ពុជាទៅប្រ កួតលើឆាកអន្តរជាតិ៕ អត្ថបទ ៖ ចាន់រ៉ា