តួ Nanno ក្នុងរឿង “Girl from Nowhere” ​ ត្រូវហ្វេនថា ស្គមដូចមនុស្សខ្វះអាហារូបត្ថម្ភ

តារាសម្ដែងថៃ Kitty Chicha Amatayakul ដែលទទួលបានភាពល្បីល្បាញជាតួ Nanno ក្នុងរឿង Girl From Nowhere ដ៏អាថ៌កំបាំងរបស់ថៃ បានបង្កឲ្យមានការព្រួយបារម្ភសារជាថ្មីចំពោះសុខភាពរបស់នាង បន្ទាប់ពីនាងត្រូវបានគេប្រទះឃើញមើលទៅហាក់ដូចជាស្លេកស្លាំងខ្លាំង ក្នុងកម្មវិធី Paris Fashion Week ។

យោងតាមសារព័ត៌មាន 8days បានបញ្ចាក់ថា តារាស្រីវ័យ ៣០ ឆ្នាំរូបនេះ បានចែករំលែករូបថតរបស់នាងនៅឯកម្មវិធី Saint Laurent កាលពីខែមុន ហើយអ្នកគាំទ្រមានការភ្ញាក់ផ្អើលជាមួយនឹងរូបរាងដ៏ស្តើងរបស់នាង។ ​Kitty មើលទៅប្លែកភ្នែកខុសពីពេលដែលនាងស្ថិតពេលសម្ដែងរឿង Girl From Nowhere។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្វីបើយ៉ាងនេះក្ដី យោងតាមរបាយការណ៍ដដែលបានគូសបញ្ចាក់ថា តារាស្រីរូបនេះត្រូវសម្រកទំងន់យ៉ាងខ្លាំង ដើម្បីដើរតួក្នុងខ្សែភាពយន្តបែបភ័យរន្ធត់នាពេលខាងមុខ។ អ្នក​គាំទ្រ​ដែល​មាន​ការ​ព្រួយ​បារម្ភ​ដល់សុខភាពរបស់នាងជាពនពេកបានបញ្ចេញសារ​ជំរុញ​ឲ្យនាង​ថែរក្សា​សុខភាព​និងស្វែងរក​ជំនួយជាបន្ទាន់។

ក្នុងនោះផងដែរ មានមតិជាច្រើនសុទ្ធតែបញ្ចេញក្នុងន័យព្រួយបាម្ភពីសុខភាពរបស់នាងកាន់តែខ្លាំងដោយពួកគេពិតជាសង្ឃឹមថា មាននរណាម្នាក់ជួយនាង នាងមើលទៅមុខខ្វះអាហារូបត្ថម្ភ​។ ប្រសិនបើ​ Kitty ពិតជាចង់បានលុយដើម្បីតែតួនាទីនោះគិតខុសហើយ​ ពេលនេះនាងកាន់តែស្គមស្គាំងហើយក៏៏គ្មាន​តួនាទី​ណា​ ដែល​សក្តិសម​នឹង​នាងទៀតដែរ។

យ៉ាងណាមិញ នេះមិនមែនជាលើកទីមួយទេដែលអ្នកគាំទ្ររបស់នាងបង្ហាញគ្ដីបារម្ភយ៉ាងធំធេងពាក់ព័ន្ធនឹងរូបរាងខុសប្រក្រតីមួយនេះ។ កាលពីឆ្នាំ២០២៣ រូបភាពដែល Kitty ទទួលពានរង្វាន់នៅក្នុងព្រឹត្តិការណ៍មួយ​ បានទាក់ទាញការចាប់អារម្មណ៍យ៉ាងខ្លាំង ពីសំណាក់អ្នកចូលរួមនិងពេញ​បណ្តាញ​សង្គម​។ អ្វីដែលកាន់តែចាក់ភ្នែកអ្នកទស្សនានោះគឺរាងកាយរបស់នាងផ្ទាល់តែម្ដង៕

អត្ថបទ៖ សាង ស្រីល័ក្ខ

ចុចអាន៖ឆ្នាំ ២០២៤ តារាចម្រៀងថៃ Kratae បញ្ចេញស្ទីលថតរូប កាន់តែកាចឆ្នាសលើសមុន