ជីវិតកម្សាន្ដ

ជូរី ល្អហួស នាំរបាំអប្សរាដូនតាខ្មែរ ទៅបង្ហាញលើឆាកអន្តរជាតិឲ្យពិភពលោកស្គាល់កាន់តែច្បាស់

បានផុស

២ years មុន

នៅ

ថ្ងៃសុក្រ ១៥ មីនា ២០២៤

ដោយ

ម្ចាស់មកុដ Miss Preteen International Cambodia 2023 យុវតី ជូរី ល្អហួស ស្របពេលដែលកៀកជិតមកដល់នៃចេញទៅប្រកួតលើឆាកអន្តរជាតិ កាលពេលពីថ្មីៗនេះ នាងបានប្រកាសឆន្ទៈដោយប្ដេជ្ញាដណ្ដើមជ័យជំនះមកជូនប្រជាជនកម្ពុជាក្នុងការប្រកួតនាពេលឆាប់ៗខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មួយគ្នានេះដែរម្ចាស់មកុដ Miss Preteen International Cambodia 2023 រូបនេះក៏បានប្រកាសពីការត្រៀមខ្លួននាំនូវរបាំអប្សរារបស់ដូនតាខ្មែរដើម្បីយកទៅបង្ហាញនៅលើឆាកអន្តរជាតិឲ្យពិភពលោកកាន់តែស្គាល់ច្បាស់ថែម។ កន្លងមក ជូរី ល្អហួស បានបញ្ជាក់ឆន្ទៈរបស់ខ្លួនថា នាងនឹងខិតខំប្រឹងប្រែងទាំងកម្លាំងចិត្ត និងកម្លាំងកាយឲ្យអស់ពីសមត្ថភាពដើម្បីដណ្ដើមជ័យជំនះពីលើឆាកអន្តរជាតិមកជូនប្រជាជនកម្ពុជាឲ្យបាន។

យ៉ាងណាមិញជិតដល់ពេលចេញទៅប្រកួតតំណាងឲ្យកម្ពុជានេះ ល្អហួស បានត្រៀមខ្លួនជាស្រេចជាមួយការខិតខំប្រឹងនឹងការហ្វឹកហាត់យ៉ាងខ្លាំងក្នុងការពង្រឹងសមត្ថភាពបន្ថែមដើម្បីចេញទៅដណ្ដើមយកជ័យជំនះនៅក្នុងការប្រកួតអន្តរជាតិ។ អ្វីដែលចាប់អារម្មណ៍ថែមទៀត ជូរី ល្អហួស បានត្រៀមនាំរបាំអប្សរារបស់ដូនតាខ្មែរយកទៅបង្ហាញនៅលើឆាកអន្តរជាតិផងដែរ។

ល្អហួស បានបញ្ជាក់ថា “ថ្ងៃដែលនាងខ្ញុំបង្ហាញសមត្ថភាព នាងខ្ញុំបានពាំនាំនូវរបាំអប្សរារបស់ដូនតាខ្មែរយើងយកទៅបង្ហាញនៅលើឆាកអន្តរជាតិ ទោះបីជាលទ្ធផលចេញមកបែបណាក៏នាងខ្ញុំនៅតែទទួលយកទាំងស្នាមញញឹមពីព្រោះ នាងខ្ញុំបានបង្ហាញហើយអ្វីដែលនាងខ្ញុំចង់បាននោះគឺចង់ឲ្យពិភពលោកបានស្គាល់នូវរបាំអប្សរាដ៏ល្វត់ល្វន់ និងក្បាច់រាំដ៏ស្រស់ស្អាតរបស់ដូនតាខ្មែរយើង”។

ម្ចាស់មកុដវ័យក្មេង ល្អហួស ក៏បានសុំការលើកទឹកចិត្តពីមហាជនអ្នកគាំទ្រផងដែរ ដោយក្នុងនោះនាងធ្លាប់បញ្ជាក់ថា “ថ្ងៃទី២៧ ខែមីនា ឆ្នាំ២០២៤ នាងខ្ញុំនិងចេញទៅប្រកួតនៅឯប្រទេសថៃ ពុកម៉ែបងប្អូនអាចមកជូនដំណើរនាងខ្ញុំបាននៅវេលាម៉ោង ៩ព្រឹកនៅព្រលានយន្តហោះពោចិនតុង”៕

អត្ថបទ៖ ចាន់រ៉ា

Related Topics:ជូរី ល្អហួស Miss Preteen Cambodia 2023

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា