ជីវិតកម្សាន្ដ

ឌីជេ កាកា ដាស់តឿន ពេលជីវិតបរាជ័យ កុំមើលងាយខ្លួនឯង

បានផុស

៣៦ វិនាទី មុន

នៅ

ថ្ងៃពុធ ៣ កក្កដា ២០២៤

ដោយ

ឌីជេ កាកា ជាតារាកំប្លែង និងជាតារាសម្តែងមួយរូបដែលមានប្រជាប្រិយភាពល្បីគួរសមពោលគឺ អាចចាត់ទុកថាជាតា រាសម្ដែងបែបកំប្លែងជួរមុខរបស់កម្ពុជាស្ថិតនៅលំដាប់ ឬក្នុងចង្កោមតារាកំប្លែងល្បីៗដូចជានាយ គ្រឿន និងតារារួមជំនាន់ផ្សេងៗជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នាដែលអាជីពសិល្បៈកំពុងមានហាងឆេងគ្រាន់បើនេះដែរ ឌីជេ កាកា នាពេលថ្មីៗនេះក៏បានទម្លាយសារដាស់តឿនយ៉ាងមានន័យទៅកាន់អ្នកគាំទ្រ។ ក្នុងនោះ ឌីជេ កាកា បានដាស់តឿនថា បើជីវិបយើងរាជ័យកុំមើលងាយខ្លួនឯង ពោលគឺត្រូវតែរឹងមាំបន្តដំណើរទៅមុខទៀត។

តារាកំប្លែងសម្តែង ឌីជេ កាកា បាននិយាយទៀតថា ពេលជីវិតយើងបរាជ័យសូមកុំមើលងាយខ្លួនឯង អ្នកដទៃមើលងាយយើងវាជារឿងឃោឃៅណាស់ទៅហើយ អ្នកមិនចាំបាច់ជាន់ខ្លួនឯងថែមទៀតទេ ពេលដែលយើងបរាជ័យគឺ ខ្លួនឯង និងមនុស្សក្បែរខ្លួនយើងជាមិត្តល្អបំផុតសំរាប់យើង។

លោកនិយាយទៀតថា គេបោះបង់យើងបាន តែយើងកុំបោះបង់ខ្លួនឯង បន្តដំណើរទៅមុខទៀត ទោះបីជាដើរបានតែមួយកូនជំហានក៏ដោយ ក៏ប្រសើរជាងនៅស្ងៀមដេកចាំស្លាប់ដែរ។ ក្នុងនោះដែរក៏មានមតិគាំទ្រថា អ្វីដែលគេចង់និយាយគឺ ដាស់តឿនមនុស្សមួយចំនួនពេលមានលុយចាយវាយខ្ជាស់ខ្ជាយមិនមែនឲ្យជឿមិនជឿទេ។

សូមបញ្ជាក់ថា ឌីជេ កាកា បានបំពេរអារម្មណ៍មិត្តៗយុវវ័យជាច្រើននៅក្នុងក្លឹបកម្សាន្ត និងជាពិសេសនោះទស្សនិកជនរមែងតែងបានឃើញលោកតាមរយៈវីដេអូសំណើចខ្លីៗដែលសម្តែងជាមួយតារាល្បីជាច្រើនរូបដូចជា,នាយ ពែកមី ,នាយ គ្រឿន ,លោក ងួន សុបិន និងមានតារាជាច្រើនទៀត៕

អត្ថបទ៖ ចាន់រ៉ា