ស្ងាត់ៗ សុភ័ក្រ កុសុម៉ា បញ្ចេញវីដេអូសុំរៀបការ ផ្អើលអ្នកគាំទ្រ

ប្រឡូកក្នុងវិស័យសិល្បៈជាច្រើនឆ្នាំ សុភ័ក្រ កុសុម៉ា មិនធ្លាប់លេចឮដំណឹងថាមានស្នេហាម្តងណាឡើយ ហើយសូម្បីតែសាមុីខ្លួន ក៏ធ្លាប់អះអាងនៅក្នុងកម្មវិធីសម្ភាសរបស់ស្ថានីយទូរស្សន៍មួយថា មិនធ្លាប់មានអ្នក មករញ៉េរញ៉ៃនឹងខ្លួនម្តងណាឡើយ។ ប៉ុន្តែនៅថ្ងៃនេះ សុភ័ក្រ្ត កុសម៉ា បានបង្ហាញមុខគូស្នេហ៍របស់ខ្លួនជាលើកដំបូង តាមរយៈវីដេអូដែលខាងប្រុសសុំរៀបការ ដោយមានវត្តមានតារាជាច្រើន និងក្រុមគ្រួសាររបស់ខ្លួនផងដែរ។

ជាមួយនឹងក្តីរំភើបរីករាយ តារាស្រីកំពូលវោហារូបនេះ បានរៀបរាប់ទាំងទឹកភ្នែកដោយក្តីរំភើប ទៅកាន់គូស្នេហ៍ និងពោលពាក្យដ៏មានន័យទៅកាន់អ្នកម្តាយជាទីស្រលាញ់ផងដែរ។ សូមទស្សនាវីដេអូខាងក្រោម៖

ភ្ជាប់ជាមួយនឹងវីដេអូសុំរៀបការជាង ១២នាទី តារាស្រីកំពូលវោហារូបនេះ បានបង្ហើបថា “ស្នេហាបែប private តែមានន័យណាស់ ហើយទីបំផុតយើងក៏បានឈានមកដល់ដំណាក់កាលនេះ” និងបានបង្ហាញកាលបរិច្ឆេទ នៃទំនាក់ទំនងរបស់អ្នកទាំងពីរផងដែរ គឺនៅចុងខែធ្នូ ឆ្នាំ២០២២ ។

ត្រឹមតែ ២ម៉ោង នៃវីដេអូសុំរៀបការរបស់ កញ្ញា សុភ័ក្រ្ត កុសម៉ា ទទួលបានការចូលមើលរហូតដល់ជាង ៤លាន views ឯណោះ។ ក្នុងនោះ អ្នកគាំទ្រភាគច្រើន បានបង្ហាញក្តីរំភើបរីករាយជាមួយនឹងកញ្ញា ដែលទីបំផុត បានស្វែងរកឃើញដៃគូជីវិតពិត ដោយខ្លះរៀបរាប់ថា រំភើបដល់ថ្នាក់យំតាម ឯខ្លះក៏ជូនពរ៕