សប្បាយចិត្តមិនបានប៉ុន្មាន សុភ័ក្រ កុសុម៉ា ត្រូវសោកសៅចំពោះការចាកចេញនៃដំណក់ឈាមដ៏តូចក្នុងផ្ទៃ

ថ្ងៃទី ៤ ខែវិច្ឆិកាខាងមុខនេះ គឺជាខួបអាពាហ៍ពិពាហ៍របស់ពិធីការិនីដ៏មានប្រជាប្រិយ សុភ័ក្រ កុសុម៉ា រយៈពេល១ឆ្នាំហើយ ប៉ុន្តែអ្វីដែលគួរឱ្យសោកស្តាយ កាលពីយប់មិញនេះ អ្នកនាងបានប្រកាសពីដំណឹងដ៏សោកសៅ ដែលដំណក់ឈាមដំបូងខ្លួននិងស្វាមី មិនលូតលាស់ក្នុងផ្ទៃ (គ្មានបេះដូង)។

កាលពីថ្ងៃទី១៣ ខែតុលា ឆ្នាំ២០២៥ សុភ័ក្រ កុសុម៉ា ទើបតែប្រកាសដំណឹងដ៏រីករាយឱ្យមហាជនបានដឹងពីកំណើតថ្មីដែលចាប់ក្នុងផ្ទៃរបស់ខ្លួននៅឡើយ ខណៈក៏ស្របនឹងគម្រោងយកបុត្ររបស់ខ្លួនផងដែរ។

ប៉ុន្តែក្តីសុខនេះ បានត្រឹមមួយរយៈប៉ុណ្ណោះ ដោយកាលពីយប់មិញនេះ អ្នកនាងទទួលដំណឹងសោកសៅដែលកូនក្នុងផ្ទៃរបស់ខ្លួន មិនមានបេះដូងទៅវិញ។

តួយ៉ាងតាមរយៈវីដេអូឃ្លីមិនដល់ ១នាទី កុសម៉ា បានត្រឹមបង្ហាញពីអារម្មណ៍ដែលពិបាកទទួលយក ក្នុងនាមជាអ្នកម្តាយមួយរូបថា “គាត់មកក៏ខ្ញុំប្រាប់បងប្អូន ចឹងពេលគាត់….ព្រហ្មលិខិតលេងសើចជាមួយខ្ញុំណាស់”។ ឯក្នុងវីដេអូ អ្នកនាងក៏បានបញ្ចេញសំណេរខ្លីៗ ដោយបញ្ជាក់ប្រាប់សាធារណជនថា “ដំបូងគាត់លូតលាស់សោះ ធំតិចអត់មានបេះដូង គេមកហើយក៏ចាកចេញទៅវិញ”។

ជាមួយនឹងដំណឹងដ៏សោកសៅនេះ សាធារណជនដែលជាអ្នកគាំទ្រ បានបង្ហាញការសោកស្តាយ និងលើកទឹកចិត្តដល់អ្នកនាងផងដែរ។

យ៉ាងណា ដោយសារតែក្តីរីករាយប្រែជាដំណឹងសោកសៅភ្លាមៗពេក ធ្វើអ្នកដែលដែលរំពឹងជាម្តាយគេដោយក្តីពេញចិត្តមួយនេះ ហាក់ទទួលយកមិនបាននៅឡើយ ខណៈព្រឹកនេះ អ្នកនាងបានបញ្ចេញវេដេអូខ្លីមួយទៀត សម្រាប់ជូនដំណើរនៃការចាកចេញកូនរបស់ខ្លួន៕