ជីវិតកម្សាន្ដ

ឧកញ៉ា ខេមរៈ សិរីមន្ត ចេញទៅច្រៀងនៅអាមេរិក យកប្រពន្ធធ្វើជាអក្សរការពារបេះដូង

បានផុស

៣ ម៉ោង មុន

នៅ

ថ្ងៃសុក្រ ២៧ កញ្ញា ២០២៤

ដោយ

ប្រិយមិត្តបានដឹងហើយថា កំពូលតារាចម្រៀងឧកញ៉ា ខេមរៈ សិរីមន្ត ពេលនេះកំពុងមានវត្តមាននៅលើទឹកដីប្រទេសសម្បូរដុល្លារសហរដ្ឋអាមេរិកដើម្បីច្រៀង និងសម្តែងផ្តល់ភាពសប្បាយរីករាយដល់ពលរដ្ឋខ្មែររស់នៅទីនេះបានរាំលេងនាឱកាសបុណ្យភ្ជុំឆ្នាំនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះ វត្តមានរបស់តារាចម្រៀង ខេមរៈ សិរីមន្ត នៅលើទឹកដីអាមេរិកនាពេលនេះ បានធ្វើឲ្យអ្នកគាំទ្រលោកមួយចំនួនសម្តែងការទទួលរាក់ទាក់យ៉ាងកក់ក្តី។ប៉ុន្តែអ្វីដែលធ្វើឲ្យមហាជនចាប់អារម្មណ៍ជាងនេះក្នុងការចេញទៅច្រៀងនៅអាមេរិកគឺលោក ខេមរៈ សិរីមន្ត មិនបានទៅតែម្នាក់ឯង និងក្រុមរាំនោះទេ ដោយលោកថែមទាំងយកអង្គរក្សការពារបេះដូងប្រចាំជីវិត គឺភរិយាលោកទៅជាមួយផងដែរ។

តាមរយៈរូបភាពពីទឹកដីអាមេរិកលោក ខេមរៈ សិរីមន្ត និងភរិយាបានបណ្ដើរគ្នាយ៉ាងផ្អែមល្ហែមក្នុងដំណើរកម្សាន្តលក្ខណៈគ្រួសារមុនថ្ងៃឡើងឆាកចម្រៀង។

ជាមួយគ្នានេះ អំឡុងពេលឡើងយន្តចេញទៅអាមេរិកលោក ខេមរៈ បានបង្ហោះខ្លឹមសារថា «២០ឆ្នាំហើយដែលយើងបានស្គាល់គ្នាតាំងតែពីបងមានតែខោអាវមួយចង្កេះតែប៉ុណ្ណោះ អរគុណអូនដែលមិនរើសអើងបង ចង់ប្រាប់ថា ស្រលាញ់ខ្លាំងណាស់»។

សូមបញ្ជាក់ថា តារាចម្រៀងលោក ខេមរៈ សិរីមន្ត បានធ្វើដំណើរចាកចេញពីមាតុភូមិកំណើតប្រទេសកម្ពុជាដើម្បីទៅច្រៀង និងសម្តែងនៅលើឆាកតន្ត្រីនាទឹកដីប្រទេសមហាអំណាចសម្បូរដុល្លារសហរដ្ឋអាមេរិកកាលថ្ងៃទី២៥ ខែកញ្ញា ឆ្នាំ២០២៤ កន្លងទៅដើម្បីសម្តែងជូនពលរដ្ឋដែលរស់នៅទីនោះទស្សនានាថ្ងៃទី២៨ ខែកញ្ញា នៅក្នុងកម្មវិធីតន្ត្រីវប្បធម៌ Cambodia day នៅទីតាំងញូញៀនស្វ៊ែ ទីក្រុងសាន់ហ្វ្រាន់ស៊ីស្កូ សហរដ្ឋអាមេរិក។

ក្នុងដំណើរចេញទៅច្រៀង និងសម្តែងនៅអាមេរិកនេះដែរលោកបាននាំយកនូវសម្លៀកបំពាក់ខ្មែររំលេចរូបអង្គរវត្ត ,ស៊ីក្លូ ក្បាលនាគ នៅក្លោងទ្វាប្រាសាទអង្គរវត្ត និងរទះគោជាដើម ដើម្បីបង្ហាញ និងផ្សព្វផ្សាយពីវប្បធម៌ដ៏ល្អផូរផង់របស់ខ្មែរ។ ជាមួយគ្នានេះ ក៏មានមតិវែកញែកសួរនាំដែរថា តើការចេញទៅច្រៀងរបស់លោក ខេមរៈ សិរីមន្ត លើកនេះរក្សាបានគាំទ្រដូចមុន ឬយ៉ាងណា?

អត្ថបទ៖ ចាន់រ៉ា