ខេមរ: សិរីមន្ត សម្រេចលុបចោលបទ “អូនរាំអែន” និង “SAD MAN” ចេញពីគ្រប់ Platforms ផ្លូវការ

ទីបំផុតកំពូលតារាចម្រៀងងារជាឧកញ៉ាលោក ខេមរ: សិរីមន្ត បានសម្រេចចិត្តប្រកាសលុបចោល នូចម្រៀង២បទគឺបទ “អូនរាំអែន” និង “SAD MAN” ចេញពីគ្រប់ Platforms ជាផ្លូវការ ខណ:បទចម្រៀងទាំង២បទខាងលើនេះកន្លងទៅលោក ខេមរ: សិរីមន្ត បានសហការចាប់ដៃគ្នាច្រៀងជាមួយតារាថៃ។

ចំពោះការសម្រេចចិត្តដ៏ត្រឹមត្រូវបស់តារាចម្រៀងល្បី ឈ្មោះលោកឧកញ៉ា ខេមរ: សិរីមន្ត នេះកំពុងទទួលបានការគាំទ្រខ្លាំងពីមហាជនខ្មែរស្របពេលដែលចោរសៀមវង្វេងប្រវត្តិសាស្ត្រ កំពុងឈ្លានពានមានមហិច្ចតាចង់បានទឹកដីប្រទេសកម្ពុជាដោយងងើលឥតខ្មាស។

កំពូលតារាចម្រៀងរូបនេះបានបញ្ជាក់ថា “ខ្ញុំបាទខេមរៈ សិរីមន្ត សូមជម្រាបជូនបងប្អូនជនរួមជាតិ ដោយស្មារតីជាតិនិយម ខ្ញុំបាទសម្រេចលុបចោលបទចម្រៀងអូនរាំអែន និងSAD MAN ចេញពីគ្រប់ Platforms ផ្លូវការ ខ្ញុំបាទទាំងអស់ចាប់ពីពេលនេះតទៅ”។

តាមរយ:ការប្រកាសលុបចោលចម្រៀងទាំង២បទខាងលើគឺបទ”អូនរាំអែន”និង”SAD MANនាពេលនេះគឺបានបង្ហាញពី ឆន្ទ:ក្នុងស្មារតីខ្មែររួមគ្នាតែមួយប្រឆាំងការឈ្លានពានពីសំណាក់ក្រុមចោរសៀមមកលើប្រទេសកម្ពុជា៕ ចាន់រ៉ា