ជីវិតកម្សាន្ដ

បញ្ចប់តួនាទីពិធីករថៃ Kan Kantathavorn ក្រោយជាប់ពាក់ព័ន្ធនឹងក្រុមហ៊ុនអនឡាញបោកប្រាស់ដ៏ធំ

បានផុស

២ years មុន

នៅ

ថ្ងៃសុក្រ ១១ តុលា ២០២៤

ដោយ

តារាសម្ដែងប្រុសនិងជាពិធីករដ៏ល្បីល្បាញក្នុងប្រទេសថៃ Kan Kantathavorn កាលម្សិលមិញនេះលោកត្រូវក្រុមហ៊ុនកម្សាន្តប្រកាសលើគេហទំព័រដោយបញ្ចប់តួនាទីក្នុងនាមជាពិធីករកម្មវិធី បន្ទាប់ពីតារាប្រុសរូបនេះជាប់ពាក់ព័ន្ធនឹងអាជីវកម្មអនឡាញបោកប្រាស់លុយកាក់របស់មនុស្សជាច្រើន។

តាមរយៈគេហទំព័រភាគីរបស់ទូរទស្សន៍ Workpoint TV បានចេញសេចក្តីថ្លែងការណ៍បញ្ជាក់យ៉ាងច្បាស់ថា «តាមព័ត៌មានដែលកំពុងតែជាប្រធានបទក្ដៅគគុក ពាក់ព័ន្ធជាមួយ MC ក្រោមភ្នាក់ងារ ក្នុងករណីនេះ ក្រុមហ៊ុនមិនសប្បាយចិត្តទេ ហើយកំពុងពិចារណាលើពាក្យចចាមអារ៉ាមរួមគ្នាជាមួយលោក Kan Kantathavorn ក្នុងតួនាទីជាពិធីករ។ប៉ុន្តែលោកបានស្នើសុំបញ្ចប់តួនាទីជាពិធីករគ្រប់កម្មវិធីដោយខ្លួនឯង រហូតទាល់តែមានភាពច្បាស់លាស់លើបញ្ហារសើបមួយនេះសិន»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយៗមកទៀត តារាសម្ដែងប្រុសវ័យ៣៨ឆ្នាំរូបនេះបានចេញមុខបកស្រាយដោយផ្ទាល់ ដោយធ្វើការបង្ហោះលើ Instagram ដើម្បីបង្ហាញពីទំនួលខុសត្រូវរបស់ខ្លួន ក្នុងនាមជាមនុស្សរបស់មហាជន។ ក្នុងនោះលោកបានបញ្ចាក់ថា « ដោយសារតែព័ត៌មានបច្ចុប្បន្នជាបញ្ហាសង្គមដែលទាក់ទងនឹងខ្ញុំ។ ខ្លួនខ្ញុំផ្ទាល់មិនសប្បាយចិត្ត និងបង្ហាញភាពស្មោះត្រង់ ព្រមទាំងទំនួលខុសត្រូវរបស់ខ្ញុំចំពោះខ្លួនខ្ញុំនិងសង្គម រួមទាំងភ្នាក់ងាររបស់ខ្ញុំ និងអ្នកដែលខ្ញុំធ្វើការជាមួយ។ ដូច្នេះហើយខ្ញុំសូមបញ្ឈប់តួនាទីជាពិធីករគ្រប់កម្មវិធីរហូតដល់មានភាពច្បាស់លាស់ និងគ្រប់យ៉ាងត្រូវបានដោះស្រាយរួចរាល់។ ជាពិសេសខ្ញុំត្រៀមខ្លួនជាស្រេចក្នុងការផ្តល់ព័ត៌មានដល់ស្ថាប័នពាក់ព័ន្ធទាំងអស់ ដើម្បីធានាបាននូវភាពត្រឹមត្រូវ ក្នុងដំណើរការយុត្តិធម៌មួយនេះ»។

យ៉ាងណាមិញ រឿងរ៉ាវដ៏រសើបនៃអាជីវកម្មអនឡាញមួយនេះកំពុងតែស្ថិតក្នុងភាពក្តៅគគុកក្នុងប្រទេសថៃ ឈានដល់បង្ហាញមុខតារាប្រុស-ស្រីជាច្រើនដួង ដែលជាប់ពាក់ព័ន្ធនឹងជំនួញបោកប្រាស់អតិថិជន។ ក្នុងនោះមានមនុស្សជាច្រើនដែលរងការខាតបង់ ដោយមិនអាចលក់ផលិតផលបាន ហើយធ្លាក់ក្នុងបំណុលដោះមិនចេញដល់ថ្នាក់ប៉ងធ្វើអត្ថឃាតថែមទៀត។ ទន្ទឹមនោះទៀត មហាជនជាច្រើនបានទម្លាយមុខតារាជួរមុខរួមមាន Sam Yuranan, Kan Kantathaworn, Min Phichaya, Boy Pakorn ជាដើម ដែលនោះធ្វើឲ្យអ្នកគាំទ្រពួកគេមានការភ្ញាក់ផ្អើលជាខ្លាំង៕

អត្ថបទ៖ សាង ស្រីល័ក្ខ

ចុចអាន៖តារាល្បីៗនៅថៃដេកភ័យខ្លួន ក្រោយចូលដៃជាមួយក្រុមហ៊ុនបោកប្រាស់តាមអនឡាញ

Related Topics:ប្រទេសថៃ តារាថៃ Kan Kantathavorn

ព័ត៌មានអន្ដរជាតិ១៧ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា