ជីវិតកម្សាន្ដ

ឃាត់ខ្លួនមនុស្ស១៨នាក់ជាថៅកែ Icon Group រួមទាំងតារាថៃ ៣ ដួងជាមេខ្លោងធំ

បានផុស

២ ខែ មុន

នៅ

ថ្ងៃព្រហស្បតិ៍ ១៧ តុលា ២០២៤

ដោយ

កាលពីល្ងាចថ្ងៃទី១៦ តុលា ឆ្នាំ២០២៤ ការិយាល័យស៊ើបអង្កេតមជ្ឈិមបានស្នើសុំតុលាការព្រហ្មទណ្ឌដើម្បីស្នើឲ្យតុលាការអនុម័តដីកាចាប់ខ្លួនជនជាប់ចោទក្រោមការចោទប្រកាន់ពីបទ ចូលរួមក្នុងការបោកប្រាស់សាធារណៈជន និងរួមគ្នានាំចូលព័ត៌មានមិនពិត។

តុលាការព្រហ្មទណ្ឌបានអនុម័តដីកាចាប់ខ្លួនជនសង្ស័យក្នុងសំណុំរឿង The Icon Group សរុបចំនួន ១៨នាក់ រួមទាំងមនុស្សដែលមានឈ្មោះជាថៅកែនិងជាគ្រូបង្វឹករបស់ The iCon Group រួមមាន Paul Waratanaphon និងថៅកែល្បីៗចំនួន៣រូប គឺ Kan Kantathavorn, Sam Yuranunt និង Min Peachaya ។

ប៉ូលិសស៊ើបអង្កេតកណ្តាលបានធ្វើបច្ចុប្បន្នភាពថា នៅម៉ោងប្រហែល ៥និង ២៥នាទីល្ងាចថ្ងៃដដែល ពួកគេបានចាប់ខ្លួនជនសង្ស័យចំនួន១៤នាក់ក្នុងសំណុំរឿង Icon Group ហើយកំពុងរៀបចំចាប់ខ្លួនមនុស្ស៤រូបទៀតចូលទៅក្នុងការស៊ើបអង្កេតបន្ថែម។ ក្រោយមកនៅម៉ោងប្រហែល៧យប់ សមត្ថកិច្ចបាននាំខ្លួនលោក Kan Kantathavorn ទៅឃុំខ្លួន សិនមុននឹងសួរចម្លើយ។

ដោយឡែក តារាសម្ដែង Min Pechaya ក៏ត្រូវប៉ូលិសនាំខ្លួនក្នុងថ្ងៃតែមួយពិធីករលោក Kan ដើម្បីយកមកសាកសួរនៅការិយាល័យស៊ើបអង្កេតកណ្តាល។ នាងត្រូវបានមន្ត្រីប៉ូលិសស្រីចូលរួម និងអញ្ជើញចូលបន្ទប់សួរចម្លើយទី៣ដាច់ពីគេឯង។ ចំណែកឯតារាប្រុស Sam Yuranunt នាពេលនេះក៏ពុងតែត្រូវប៉ូលិសស៊ើបអង្កេតនិងចូលទៅដល់ផ្ទះរបស់លោកដើម្បីឃាត់ខ្លួនដូចគ្នា។

គួររម្លឹកថា ក្រុមហ៊ុន The iCon Group ដែលជាអ្នកផ្សព្វផ្សាយពាណិជ្ជកម្មអនឡាញដ៏ល្បីមួយ បានរងនូវការជាប់ចោទពីបទក្លែងបន្លំសាធារណៈ ការលាងលុយកខ្វក់ និងបទល្មើសពាក់ព័ន្ធដែលបានប៉ះពាល់ដល់ជនរងគ្រោះជាង ៧០០ នាក់។ ក្នុងនោះមានតារាប្រុសស្រីល្បីៗជួរមុខក្នុងប្រទេសថៃកំពុងត្រូវប៉ូលិសស៊ើបអង្កេត ខណៈពេលដែលម្នាក់ៗចេញមុខមកបកស្រាយរៀងៗខ្លួនថា ពួកគេត្រូវជាទូតសុឆន្ទៈតំណាងផលិតផលតែប៉ុណ្ណោះ៕