បើកឆាក គូស្នេហ៍ BL ថៃដំបូង លុតជង្គង់ សុំរៀបការកណ្ដាលកម្មវិធី ផ្អើលអស់អ្នកទស្សនា

កាលពីថ្មីៗនេះ គូស្នេហ៍ ដែលចាប់ដៃគូគ្នាសម្ដែងរឿងប្រភេទ BL ស្រឡាញ់ប្រុសដូចគ្នា បានធ្វើឲ្យមហាជនមានការភ្ញាក់ផ្អើលចំហមាត់គ្រប់ៗគ្នា ដោយ Mew Suppasit បានលុតជង្គង់សុំ Tul Pakorn សុំរៀបការធ្វើជាគូជីវិត នៅកណ្ដាលកម្មវិធី មុខសាធារណៈជន​ រាប់ពាន់នាក់។

ជាពិសេស វាមិនមែនជាការសម្ដែងនោះទេ តារាសម្ដែងប្រុសទាំង២នាក់នេះ ពិតជាបានស្រឡាញ់គ្នា​បង្កើតទំនាក់ទំនងស្នេហាក្នុងជីវិតពិតមែន។ ទន្ទឹមនឹងនោះ Tul ក៏បានឆ្លើយយល់ព្រមផងដែរ ដែលធ្វើឲ្យអ្នកទស្សនានៅទីនោះ មានការរំភើបចិត្តជាខ្លាំង ដែលវាជារឿងនឹកស្មានមិនដល់។

តាំងពីរដ្ឋាភិបាលថៃ សម្រេចឲ្យគូស្នេហ៍ភេទដូចគ្នា មានសិទ្ធិរៀបការស្របច្បាប់មក គូនេះ ជាគូទី១ហើយ ដែលបើកឆាកសុំរៀបការជាលក្ខណៈសាធារណៈបែបនេះ ហើយថែមទាំងនៅនឹងមុខអ្នកគាំទ្រថែមទៀតផង។ មិនតែប៉ុណ្នោះ Mew និង Tul ជាតារាសម្ដែងរឿងភាគ BL ដ៏មានប្រជាប្រិយភាព អ្នកគាំទ្រតែងតែរំពឹងថា ពួកគេស្រឡាញ់គ្នាក្នុងជីវិតពិត។

បើក្រឡេកមកមើល Tul វិញ ក្រោយពីត្រូវបានមិត្តប្រុសសុំរៀបការហើយ ខ្លួនរំភើបដល់ថ្នាក់ស្រក់ទឹកភ្នែកមិនឈប់ បើហ្វេនវិញ ក៏រំភើបមិនចាញ់អ្នកទាំងពីរដូចគ្នា រងចាំថ្ងៃចូលរោងការរបស់ MewTul ថាពួកគេនឹងប្រារព្ធនៅពេលណា៕