គេរិះគន់រឿងធ្វើបុណ្យចែកទាន ម្តាយ ជូរី ល្អហួស ឆ្លើយតបដោយមិនស្ទាក់ស្ទើរ

កាលពីថ្មីៗនេះ អ្នកនាង ដេននី ក្វាន់ និងកូនស្រី ដែលជាម្ចាស់មកុដ Miss Preteen Junior Idol World 2024 យុវតី ជូរី ល្អហួស បានចំណាយថវិការាប់លានដុល្លារ ដើម្បីធ្វើបុណ្យចែកទានដល់ចាស់ៗ និងប្រជាពលរដ្ឋខ្វះខាតដែលទង្វើនេះ ក៏ទទួលបានកាកោតសរសើរផងដែរពីសំណាក់មហាជនជាច្រើន។

ប៉ុន្តែទោះបីយ៉ាងណា ក្នុងនោះស្រាប់តែមានបុគ្គលម្នាក់បានចេញមករិះគន់ចំពោះសកម្មភាពសប្បុរសធម៌របស់អ្នកនាង ដេននី ក្វាន់ និងកូនស្រីនាង ថាសងលុយគេឲ្យអស់សិនទៅចាំធ្វើបុណ្យចែកទាន។ ភ្លាមៗនៃការរិះគន់នេះដែរ អតីតតារាសម្តែង ដេននី ក្វាន់ បានចេញមុខប្រតិកម្មដោយបញ្ជាក់ថា នាងគ្មានប្រវត្តិទេដែលជំពាក់លុយនរណាមួយរៀលនោះ។

ម្តាយវ័យក្មេងរបស់ ជូរី ល្អហួស រូបនេះបាននិយាយថា មុននិយាយថាខ្លួនធ្វើបុណ្យចែកទានសងលុយគេឲ្យអស់សិនទៅចាំធ្វើ? តើយកអី្វមកគិត? ព្រោះខ្លួនមិនដែលជំពាក់លុយនរណាមួយរៀលទេ និងបន្ថែមទៀតថា “ចង់ដឹង ស៊ើបប្រវត្តិសិន ចាំនិយាយ កុំអាងអ្វីសុំទោសទៀត“។

ការរិះគន់ខាងលើនេះ គឺបន្ទាប់អតីតតារាសម្តែងអ្នកនាង ដេននី ក្វាន់ អះអាងថា អំឡុងពេលធ្វើបុណ្យចែកទានចាស់ៗ និងប្រជាពលរដ្ឋខ្វះខាត គឺនាងត្រូវចំចាយថវិកាអស់រហូតចំនួន ១០០លានរៀនឯណោះ។ អ្នកនាងថា នេះជាទឹកចិត្តដ៏ជ្រះថ្លាបំផុតសម្រាប់សកម្មភាពសប្បុរសធម៌មួយនេះ។

ចំណែកម្ចាស់មកុដ Miss Preteen Junior Idol World 2024 យុវតីជូរី ល្អហួស បានបង្ហាញអារម្មណ៍ដែរថា “ខ្ញុំបានធ្វើបុណ្យចែកទាន ៥០០គ្រួសារ គ្មានអ្វីរំភើបជាងបានឃើញលោកយាយលោកតាអ៊ុំពូមីង បានហូបឆ្អែតនិងទទួលអំណោយដោយភាពរីករាយនិងមានស្នាមញញឹមដែលមិនអាចបំភ្លេចបាន”៕ អត្ថបទ៖ ចាន់រ៉ា