ជីវិតកម្សាន្ដ

ជូរី ល្អហួស មោទនភាព ក្រោយជោគជ័យក្នុងការផលិតវីដេអូឯកសារ ”របាំអប្សរា” លើកទី ២

បានផុស

១ year មុន

នៅ

ថ្ងៃសៅរ៍ ២៥ មករា ២០២៥

ដោយ

បវរកញ្ញាវ័យក្មេង ជូរី ល្អហួស បានឲ្យដឹងថា នាងពិតជាមានមោទនភាពខ្លាំង បន្ទាប់ពីជោគជ័យក្នុងការផលិតវីដេអូឯកសារ ”របាំអប្សរា” លើទឹកដីអង្គរជាលើកទី ២ ដើម្បីទុកឲ្យកូនខ្មែរជំនាន់ក្រោយបានស្គាល់សម្បត្តិដ៏អស្ចារ្យមួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទស្សនិកជនបានដឹងថា កាលពីថ្មីៗ កន្លងទៅ ពោលអំឡុងចុងឆ្នាំ ២០២៤ គឺ ល្អហួស បានលេចវត្តមានថត”របាំអប្សរា” លើទឹកដីអង្គរជាលើកទី ២ ដោយសារតែឯកសារកាលពីថតលើកទី ១ ត្រូវបានបាត់បង់ប្លង់សំខាន់ៗ បណ្តាលមកពីបញ្ហាបច្ចេកទេសដែលមិនអាចទាញយកវិញបានទេ។

ដោយជោគជ័យក្នុងការថតផលិតវីដេអូឯកសារ”របាំអប្សរា”នេះ ជូរី ល្អហួស បានលើកឡើងថា «របាំអប្សរា ការតស៊ូ ប្រឹងប្រែង មិនបោះបង់ក្នុងការផលិតវីដេអូឯកសារ”របាំអប្សរា” នាងខ្ញុំ ល្អហួស ពិតជារំភើបចិត្តខ្លាំងណាស់ដែលបានផលិតនូវវីដេអូនេះឡើងមកវិញសាជាថ្មី ដើម្បីឲ្យកូនចៅជំនាន់ក្រោយបានស្គាល់នូវសម្បត្តិដ៏អស្ចារ្យមួយនេះ»។

ល្អហួស ក៏បាននិយាយបន្ថែមថា បើមានកំហុសខុសឆ្គងដោយប្រការណាមួយនៅក្នុងវីដេអូមួយនេះ សូមប្រជាជនកម្ពុជាមេត្តាខន្តីអភ័យទោសដល់នាងផង។

អតីតម្ចាស់មកុដបវរកញ្ញាយុវតីកម្ពុជាឆ្នាំ ២០២៣ រូបនេះ មកទល់ពេលបច្ចុប្បន្នត្រូវបានទស្សនិកជនកត់សម្គាល់ឃើញថា នាងនៅតែមានភាពលេចធ្លោខ្លាំងទាំងរូបសម្ផស្ស និងទីផ្សារសិល្បៈ ពិសេសថែមទៀតការងារសង្គមជាដើម។

ជាការពិតក្នុងនាមកូនខ្មែរមួយរូប ជូរី ល្អហួស ជារឿយៗ តែងបានបង្ហាញការប្តេជ្ញាចិត្តដើម្បីចូលរួមផ្សព្វផ្សាយលើកស្ទួយនូវមរតកវប្បធម៌ និងទេសចរណ៍ទៅលើឆាកជាតិឆាកអន្តរជាតិឲ្យនៅគង់វង្សយូរអង្វែងសម្រាប់កូនចៅជំនាន់ក្រោយបានស្គាល់នូវអ្វីដែលជារបស់ខ្មែរ៕

អត្ថបទ ៖ ចាន់រ៉ា