ព័ត៌មានអន្ដរជាតិ

ក្នុងឱកាសបុណ្យណូអែល សម្តេចប៉ាប អំពាវនាវឱ្យមនុស្សមានមេត្តាធម៌និងសន្តិភាព

បានផុស

៦ ខែ មុន

នៅ

ថ្ងៃព្រហស្បតិ៍ ២៥ ធ្នូ ២០២៥

ដោយ

ប្រធានគ្រឹស្តសាសនាកាតូលិក សម្តេច ប៉ាប លីអូ ទី១៤ បានអំពាវនាវឱ្យផ្សាយសេចក្តីមេត្តា និងសន្តិភាពជុំវិញពិភពលោកនៅក្នុងឱកាសពិធីបុណ្យណូអែលជាលើកដំបូងរបស់គាត់នៅឯទីក្រុងរ៉ូមប្រទេសអ៊ីតាលីកាលពីថ្ងៃពុធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានលើកឡើងថា៖«នៅលើពិភពលោកនេះ គ្មានផ្លូវសន្តិភាពសម្រាប់ព្រះទេ បើគ្មានសន្តិភាពសម្រាប់មនុស្សជាតិ។ ហើយជម្លោះមួយក៏មិនអាចកើតឡើងបានដែរ បើគ្មានភាគីម្ខាងទៀត»។

លោកបន្តទៀតថា៖«បុណ្យណូអែលគឺជាបុណ្យនៃក្តីសង្ឃឹម ដែលធ្វើឱ្យយើងទាំងអស់គ្នាមានសុខសន្តិភាព»។

លោកបន្ថែមថា សេចក្តីថ្លៃថ្នូររបស់មនុស្សគឺគ្មានដែនកំណត់ បើទោះបីជា «សេដ្ឋកិច្ចបច្ចុប្បន្នច្របូកច្របល់ក៏ដោយ» ដែលនាំឱ្យមនុស្សត្រូវបានគេចាត់ទុកដូចជាទំនិញក៏ដោយ។

សម្តេចប៉ាបដំបូងបង្អស់ដែលកើតនៅសហរដ្ឋអាមេរិកបានអំពាវនាវឱ្យមានសន្តិភាពនៅក្នុងជម្លោះជាសកលទាំងអស់ ដោយបានលើកឡើងពីសង្រ្គាមនៅអ៊ុយក្រែន និងការទួញសោកចំពោះការបដិសេធរបស់រុស្ស៊ីពីបទឈប់បាញ់ក្នុងពិធីបុណ្យណូអែល។ លោកក៏បានសម្តែងក្តីសង្ឃឹមចំពោះវឌ្ឍនភាពក្នុងការចរចាសន្តិភាពរវាងអ៊ីស្រាអែល និងប៉ាឡេស្ទីនផងដែរ។

កាលពីថ្ងៃអង្គារសម្តេចប៉ាបបានជំរុញឱ្យមនុស្សទាំងអស់មានគុណធម៌ និងអនុវត្តបទឈប់បាញ់ក្នុងរយៈពេល ២៤ម៉ោង នៅក្នុងសង្គ្រាមទាំងអស់ជុំវិញពិភពលោកក្នុងពិធីបុណ្យណូអែល ហើយបាននិយាយថា ការបដិសេធរបស់រុស្ស៊ីចំពោះបទឈប់បាញ់រយៈពេលខ្លីបានធ្វើឱ្យគាត់ «សោកសៅយ៉ាងខ្លាំង»៕

ប្រែសម្រួល៖ ណឺ មិនា