ព័ត៌មានជាតិ

សន្តិភាព និងការអភិវឌ្ឍន៍របស់កម្ពុជា បានមកពីគណបក្សប្រជាជន

បានផុស

២៧ វិនាទី មុន

នៅ

ថ្ងៃចន្ទ ២៩ មិថុនា ២០២៦

ដោយ

កម្ពុជាមានសុខសន្តិភាព និងការអភិវឌ្ឍន៍ដូចសព្វថ្ងៃ មិនមែនជាភាពចៃដន្យនោះទេ គឺបានមកពីគណបក្សប្រជាជនកម្ពុជា ប្រជាពលរដ្ឋ និងសិស្សានុសិស្សគ្រប់ស្រទាប់ មើលឃើញយ៉ាងច្បាស់ថា ដោយសារគុណបំណាច់របស់គណបក្សប្រជាជនកម្ពុជា ទើបប្រទេសជាតិមានសុខសន្តិភាព និងការអភិវឌ្ឍន៍ដល់សព្វថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បណ្តាសិស្ស និស្សិត ក៏សម្តែងការអរគុណដល់សុខសន្តិភាពផងដែរ ព្រោះតែកត្តាសន្តិភាពតែមួយមុខប៉ុណ្ណោះ ទើបអាចឲ្យពួកគាត់មានឱកាសរៀនសូត្រ និងខិតខំព្យាយាមអភិវឌ្ឍសមត្ថភាពខ្លួន ឲ្យប្រែក្លាយទៅជាមូលធនមនុស្សដែលមានគុណភាព ក្នុងការបន្តវេនជួយអភិវឌ្ឍ និងដឹកនាំប្រទេសជាតិតទៅមុខទៀតបាន។

ក្រុមនិស្សិតបានបន្តលើកឡើងថា ទោះបីពួកគេ កើតមិនទាន់សម័យកាល នៃប្រទេសកំពុងធ្លាក់ក្នុងភ្នក់ភ្លើង សង្គ្រាមប៉ុន្តែឪពុកម្ដាយពួកគេបានកើតទាន់ឆ្លងកាត់ដំណាលប្រាប់ជាពិសេសក្រុមនិសិ្សតបានរៀនសូត្រពីប្រវិត្តសាស្រ្តដឹងផងដែរ។

ប្រជាពលរដ្ឋ និងសិស្សានុសិស្ស បង្ហាញពីការដឹងគុណក្រៃលែង ដល់គុណនូបការៈរបស់សម្តេចតេជោ ហ៊ុនសែន ប្រធានគណបក្ស ដែលបានដាក់ចេញនូវគោលនយោបាយដឹកនាំត្រឹមត្រូវ ដែលនាំនាវាចរកម្ពុជា ចេញពីប្រទេសដែលសេសសល់ពីសំណល់នៃភ្លើងសង្គ្រាម មកជាប្រទេសដែលមានការអភិវឌ្ឍន៍ស្មានមិនដល់។

សូមជម្រាបថា គណបក្សប្រជាជនកម្ពុជា ត្រូវបានបង្កើតឡើងនៅថ្ងៃទី ២៨ មិថុនា ១៩៥១ ដោយមានប្រភពពីចលនាតស៊ូរបស់ប្រជាជនកម្ពុជាប្រឆាំងអាណានិគមនិយម ដើម្បីសម្រេចឯករាជ្យជាតិ៕ អត្ថបទ៖ សុភា