ព័ត៌មានអន្ដរជាតិ

ពូទីនគ្មានប្រតិកម្មសោះ ក្រោយអាមេរិកចាប់ម៉ាឌូរ៉ូ ផ្អើលពិភពលោក

បានផុស

៥ ខែ មុន

នៅ

ថ្ងៃសុក្រ ១៦ មករា ២០២៦

ដោយ

ចាប់តាំងពីសហរដ្ឋអាមេរិកបានធ្វើប្រតិបត្តិការចាប់មេដឹកនាំប្រទេសវ៉េណេស៊ុយអេឡា លោក នីកូឡាស ម៉ាឌូរ៉ូ កាលថ្ងៃទី៣ខែមករាឆ្នាំ២០២៦ ដោយជោគជ័យត្រឹមតែរយៈពេលខ្លី មេដឹកនាំរុស្ស៊ី លោក វ៉្លាឌីមៀរ ពូទីន ក៏ដូចជាសមាជិករដ្ឋាភិបាលសហព័ន្ធរុស្ស៊ីផ្សេងទៀតហាក់រក្សាភាពស្ងប់ស្ងាត់ គ្មានប្រតិកម្មអ្វីនាំជម្លោះវោហាស័ព្ទដូចមុនឡើយ។

ត្រាំនិងពូទីនជួបគ្នាផ្ទាល់លើកដំបូងកាលថ្ងៃទី១៥ខែសីហា២០២៥ ចាប់តាំងពីសង្គ្រាមនៅអ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មានការកត់សម្គាល់មួយចំនួនដែលថា ក្រោយប្រតិបត្តិការចាប់ខ្លួនលោក ម៉ាឌូរ៉ូ ដែលជាមសម្ព័ន្ធមិត្តដ៏ជិតស្និទ្ធមួយរូបរបស់ប្រធានាធិបតីរុស្ស៊ី លោក វ៉្លាឌីមៀរ ពូទីន សហរដ្ឋអាមេរិកបានបង្ហាញឲ្យឃើញពីអានុភាពផ្នែកចារកម្ម និងសមត្ថភាពយោធាដែលរុស្ស៊ីមិនអាចប្រៀបធៀបបាន។

ក្រោយការចាប់ខ្លួនលោក ម៉ាឌូរ៉ូ រុស្ស៊ីបានប្រើប្រាស់ត្រឹមមធ្យោបាយការទូតថ្លែងថ្កោលទោសសហរដ្ឋអាមេរិក ដែលលើកទ័ពចូលរំលោភលើអធិបតេយ្យភាពប្រទេសផ្សេងដែលជាសមាជិករបស់អង្គការសហប្រជាជាតិប៉ុណ្ណោះ ប៉ុន្តែរុស្ស៊ីខ្វះអំណាចក្នុងការបញ្ឈប់សហរដ្ឋអាមេរិកខាងវិស័យយោធាក្នុងពេលវេលាដែលរុស្ស៊ីខ្លួនឯងកំពុងតែជាប់ដៃនៅក្នុងសង្គ្រាមជាប់ផុងក្នុងប្រទេសអ៊ុយក្រែន។

មានការកត់់សម្គាល់ថា មហាអំណាចនុយក្លេអ៊ែររុស្ស៊ីមិនអាចប្រកួតប្រជែងជាមួយសហរដ្ឋអាមេរិកនៅខាងក្រៅតំបន់ជិតខាងរបស់ខ្លួនបានទេ ដោយសារតែសមត្ថភាពយោធារុស្ស៊ីត្រូវបានបំបាក់ដោយសារមិនអាចយកឈ្នះសូម្បីប្រទេសអ៊ុយក្រែនក្បែរខាងខ្លួន។ រហូតមកដល់ពេលនេះ រុស្ស៊ីបានប្រើប្រាស់ពេលវេលាជិត៤ឆ្នាំសម្រាប់ការវាយប្រហារអ៊ុយក្រែន ប៉ុន្តែជាលទ្ធផល កងទ័ពរុស្ស៊ីរីកមិនបង្ហាញការរីកចម្រើនទៅមុខលើសមរភូមិជាក់ស្តែងឡើយ។

ប្រទេសរុស្ស៊ី បានប្រើប្រាស់សមត្ថភាពយោធា ហិរញ្ញវត្ថុ សម្ភារៈយោធាក្នុងសង្គ្រាមនៅអ៊ុយក្រែនស្ទើរអស់ទៅហើយ ប៉ុន្តែអ្វីដែលរុស្ស៊ីទទួលបានត្រឹមតែការដាក់លក្ខខណ្ឌដើម្បីឲ្យអ៊ុយក្រែនទទួលយក និងព្រមចុះចាញ់សង្គ្រាមប៉ុណ្ណោះ ជាថ្នូរទទួលបានកិច្ចព្រមព្រៀងសន្តិភាព។

ការរក្សាភាពស្ងប់ស្ងាត់ក្នុងហេតុការណ៍នៅវ៉េណេស៊ុយអេឡារបស់មហាអំណាចរុស្ស៊ី ត្រូវបានគេមើលឃើញថា កងទ័ពជើងទឹក និងកងទ័ពអាកាសរបស់រុស្ស៊ីមិនអាចដាក់កម្លាំងចូលទៅក្នុងតំបន់ការ៉ាប៊ីន ជាទីដែលសហរដ្ឋអាមេរិកបានឡោមព័ទ្ធអស់រយៈពេលជាច្រើនខែមុនប្រតិបត្តិការចូលប្រទេសវ៉េណេស៊ុយអេឡា។

នៅពេលដែលសហរដ្ឋអាមេរិកចាប់ខ្លួនលោក នីកូឡាស ម៉ាឌូរ៉ូ (Nicolas Maduro) ក្នុងខែមករា ឆ្នាំ២០២៦ កងកម្លាំងរុស្ស៊ីដែលមានវត្តមាននៅក្នុងប្រទេសវេណេស៊ុយអេឡាដែរ ប៉ុន្តែ«មិនបានធ្វើអន្តរាគមន៍»តបតវិញទេ ដែលអ្នកវិភាគបានពណ៌នាអំពីរឿងនេះថា ជាការបង្ហាញយ៉ាងច្បាស់អំពីដែនកំណត់បច្ចុប្បន្នរបស់រុស្ស៊ី។

អ្នកវិភាគយល់ឃើញថា ក្នុងការឆ្លើយតបដោយកម្លាំងយោធានៅពេលនោះ ទីក្រុងមូស្គូយល់ថា«ការឆ្លើយតបខាងយោធាណាមួយនឹងបរាជ័យ ឬកើនឡើងដោយមិនអាចគ្រប់គ្រងបាន»។

ក្រោយជាង១សប្តាហ៍នៃការចាប់ខ្លួនលោក ម៉ាឌូរ៉ូ ងាកមកកាន់សមរភូមិនៅអ៊ុយក្រែនវិញ លោក ដូណាល់ ត្រាំ បានបង្ហាញសញ្ញាថា លោកមានឆន្ទៈក្នុងការប្តេជ្ញាចិត្តចំពោះការការពារអ៊ុយក្រែននាពេលអនាគតរបស់សហរដ្ឋអាមេរិក ដោយលោកយល់ថា «រុស្ស៊ីនឹងគ្មានការវាយប្រហារជាថ្មីនោះទេ»។ យោងការផ្សាយរបស់កាសែត The New York Times។

តាមបណ្តាញសង្គមជាច្រើនក្នុងប៉ុន្មានថ្ងៃនេះ បង្ហាញឲ្យឃើញថា កងទ័ពអ៊ុយក្រែនមានប្រៀបជាច្រើនក្នុងសមរភូមិ បន្ទាប់ពីការវាយបកក្នុងសមរភូមិមុខ ប៉ុន្តែមិនមានប្រភពណាមួយពីខាងភាគីរុស្ស៊ីអះអាងដែលអាចធ្វើជាមូលដ្ឋាននៃការវាស់វែងឬថ្លឹងថ្លែងបាននោះទេ។

The New York Times បានស្រង់សម្តី លោក ត្រាំ ដូចបាននិយាយអំពីលោក ពូទីន ថា៖«ខ្ញុំគិតថាលោក [ពូទីន] ចង់ធ្វើកិច្ចព្រមព្រៀងមួយ។ ខ្ញុំបានគិតអំពីវា — ហើយខ្ញុំបានគិតអំពីវាជាយូរមកហើយ»។

នៅពេលសួរអំពីកិច្ចព្រមព្រៀងសន្តិភាពដែលអាចធ្វើទៅបាន ដែលនឹងប្តេជ្ញាចិត្តសហរដ្ឋអាមេរិក និងសម្ព័ន្ធមិត្តរបស់ខ្លួនក្នុងការផ្តល់ការគាំទ្រផ្នែកយោធាដល់អ៊ុយក្រែន ក្នុងករណីមានការឈ្លានពានថ្មី លោក ត្រាំ បានកាត់បន្ថយ ដោយសង្កត់ធ្ងន់ថា តួនាទីរបស់សហរដ្ឋអាមេរិកនៅក្នុងសេណារីយ៉ូបែបនេះនឹងជារឿងបន្ទាប់បន្សំ។

លោកបានមានប្រសាសន៍ថា «ចូរនិយាយតាមវិធីនេះ៖ សម្ព័ន្ធមិត្តរបស់ខ្លួន អឺរ៉ុបទាំងអស់ ប្រទេសដទៃទៀតដែលពាក់ព័ន្ធនឹងរឿងនេះ – និងសហរដ្ឋអាមេរិក»៕

រ៉ាន់ រើយ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា