ព័ត៌មានអន្ដរជាតិ

រឿងដ៏កម្សត់ ម្តាយដឹកកូនប្រុសតាមកង់៣ទៅពេទ្យ៣កន្លែងស្លាប់តាមផ្លូវនៅឥណ្ឌា

បានផុស

៥ years មុន

នៅ

ថ្ងៃសុក្រ ២៣ មេសា ២០២១

ដោយ

ស្ត្រីជាម្តាយដែលកំពុងអង្គុយនៅលើកង់បីជាមួយនឹងសពកូនប្រុសអាយុ២៩ឆ្នាំដែលបានស្លាប់នៅតាមផ្លូវ បន្ទាប់ពីបានដឹកទៅរកមន្ទីរពេទ្យ៣កន្លែង ប៉ុន្តែមន្ទីរពេទ្យមិនទទួលបានកំពុងធ្វើឲ្យពិភពលោករំជួលចិត្តយ៉ាងខ្លាំង។

រូបភាពបានបង្ហាញពីស្ត្រីឈ្មោះ Chandrakala Singh ដែលកំពុងនឿយហត់អស់កម្លាំង និងទុក្ខក្រៀមក្រំកំពុងអង្គុយជាមួយសពកូនប្រុសឈ្មោះ Vineet Singh នៅតាមផ្លូវក្នុងទីក្រុង Varanasi ភាគខាងជើងរដ្ឋ Uttar Pradesh។

រូបថតដែលកំពុងធ្វើឲ្យពិភពលោកនេះរំជើបរំជួលនេះគឺមានរឿងរ៉ាវពីក្រោយដ៏កម្សត់ដែលកូវីដ-១៩បានកំពុងវាយប្រហារលើប្រព័ន្ធសុខាភិបាលនៅប្រទេសឥណ្ឌាបណ្តាលឲ្យដួលរលំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Jai Singh ត្រូវជាពូរបស់បុរសអាយុ២៩ឆ្នាំបានប្រាប់ថា ៖«នៅព្រឹកថ្ងៃចន្ទ អ្នកស្រី Singh បានធ្វើដំណើរជាមួយកូនប្រុសទៅកាន់មន្ទីរពេទ្យ Banaras Hindu University (BHU)តាមការណាត់របស់ឌុកទ័រ ដោយត្រូវប្រើពេលតែមួយម៉ោងប៉ុណ្ណោះពីផ្ទះ»។

លោកថា ៖«ក្មួយ Vineet មានបញ្ហាតម្រងនោម និងបានជួបលោកវេជ្ជបណ្ឌិតម្នាក់នៅមន្ទីរពេទ្យ BHU។ លោកវេជ្ជបណ្ឌិតនោះបានណាត់ឲ្យជួបនៅព្រឹកថ្ងៃចន្ទសម្តាហ៍នេះ»។

ប៉ុន្តែនៅពេលម្តាយ និងកូនប្រុសបានទៅដល់មន្ទីរពេទ្យ ខាងពេទ្យប្រាប់ពួកគាត់ថា លោកវេជ្ជបណ្ឌិតមិននៅ និងបានប្រាប់ឲ្យពួកគាត់ទៅកន្លែងរបួសដែលនៅទីនោះគេទទួលករណីបន្ទាន់។

ស្ត្រីជាម្តាយនិយាយថា នៅពេលទៅដល់កន្លែងរបួស កូនប្រុសរបស់គាត់បានដួលទៅហើយ ប៉ុន្តែបុគ្គលិកពេទ្យបដិសេធទទួលព្យាបាល។

គាត់បន្តថា ៖«គ្រូពេទ្យប្រាប់ថា កូនប្រុសខ្ញុំឆ្លងកូវីដ-១៩។ សូមយកចេញពីទីនេះទៅ។ កូនប្រុសរបស់ខ្ញុំបានកំពុងមានដង្ហើមដង្ហក់។ យើងត្រូវដាក់អ៊ុកស៊ីសែន និងរថយន្តសង្គ្រោះបន្ទាន់ ប៉ុន្តែខាងពេទ្យអត់ជួយយើងទេ»។

ស្ត្រីជាម្តាយបានដាក់កូនប្រុសនៅលើកង់បី និងដឹកយកទៅកាន់មន្ទីរពេទ្យឯកជនមួយនៅជិតនោះ ប៉ុន្តែនៅពេទ្យឯកជននោះក៏មិនទទួលព្យាយាបាលទៀត។ គាត់ក៏បានព្យាយាមដឹកយកទៅមន្ទីរពេទ្យផ្សេងទៀត។

នៅតាមផ្លូវទៅកាន់មន្ទីរពេទ្យទី៣ Vineet បានដាច់ខ្យល់នៅលើជើងរបស់ម្តាយដែលអាយុច្រើន និងមើលទៅនឿយហត់កម្លាំង។

នៅពេលស្ត្រីជាម្តាយកំពុងក្រៀមក្រំដ៏ក្រៃលែង និងត្រូវការអ្នកដទៃជួយទាំងកម្លាំងកាយ និងកម្លាំងចិត្ត។ គាត់ត្រូវបានជនអាក្រក់ឆកយកទ្រព្យសម្បត្តិថែមទៀតក្នុងនោះ ឯកសារព្យាបាលរបស់កូនប្រុស និងទូរសព្ទរបស់គាត់ត្រូវបានជនអាក្រក់លួចយកទៅបាត់។

រូបភាព ដែលចេញផ្សាយដំបូងដោយសារព័ត៌មានក្នុងស្រុកជាភាសាឥណ្ឌា Dainik Jagran បានធ្វើឲ្យមានការចាប់អារម្មណ៍យ៉ាងខ្លាំងនៅប្រទេសឥណ្ឌា និងរាលដាលទូទាំងពិភពលោក។

លោក Shravan Bharadwaj អ្នកសារព័ត៌មានដែលបានសរសេររឿងនេះបានប្រាប់ BBC ថា នៅតាមផ្លូវដែល Vineet បានស្លាប់មានមន្ទីរឯកជនជាច្រើន ប៉ុន្តែគ្មាននរណាម្នាក់ជួយម្តាយក៏កម្សត់នោះទេ។

ទោះជាយ៉ាងណា គេមិនច្បាស់ទេថា Vineet បានស្លាប់ដោយសារកូវីដ-១៩ ឬយ៉ាងណា ពីព្រោះក្រុមគ្រួសារនិយាយថា គាត់គ្មានរោគសញ្ញាដែលបង្ហាញពីកូវីដ-១៩ឡើយ ប៉ុន្តែតាមឯកសារណាត់ជាមួយគ្រូពេទ្យគឺព្យាបាលតម្រងនោម៕

ប្រែសម្រួល៖ វីរបុត្រ
ប្រភព៖ BBC