ព័ត៌មានអន្ដរជាតិ

អ្នកគ្រូពេទ្យឥណ្ឌាវ័យក្មេងម្នាក់កំពុងមានផ្ទៃពោះស្លាប់ដោយកូវីដ-១៩

បានផុស

៥ years មុន

នៅ

ថ្ងៃព្រហស្បតិ៍ ២៩ មេសា ២០២១

ដោយ

អ្នកគ្រូពេទ្យម្នាក់នៅរដ្ឋ Kerala ប្រទេសឥណ្ឌាបាត់បង់ជីវិតទាំងវ័យក្មេង និងកំពុងមានផ្ទៃពោះពីជំងឺរាតត្បាតដ៏កាចសាហាវកូវីដ-១៩ដែលកំពុងវាយប្រហារយ៉ាងធ្ងន់ធ្ងរដល់ប្រទេសឥណ្ឌា។

វេជ្ជបណ្ឌិតវ័យក្មេងត្រូវបានគេស្គាល់ឈ្មោះ Maha Basheer រស់នៅទីក្រុង Kozhikode បានឆ្លងកូវីដ-១៩ និងបានព្យាបាលនៅមន្ទីរពេទ្យ Mangalur ជាកន្លែងនាងបានបាត់បង់ជីវិតកាលពីថ្ងៃអង្គារ៍ ទី២៧ ខែមេសា កន្លងទៅនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមក្រុមគ្រួសារបានឲ្យដឹងថា នាងមានអាយុ២៥ឆ្នាំ និងកំពុងមានផ្ទៃពោះ៥ខែផង។

នាង Basheer កើតក្នុងគ្រួសារដែលជាគ្រូពេទ្យ និងបានរៀនពេទ្យនៅមហាវិទ្យាល័យសុខាភិបាល Kanachur Medical។ នាងបានរៀបការជាមួយប្តីដែលជាវេជ្ជបណ្ឌិតដែរ។

ក្រុមគ្រួសារបាននិយាយថា Basheer បានធ្វើតេស្តអវិជ្ជមានកូវីដ-១៩កាលពីថ្ងៃអាទិត្យ ប៉ុន្តែមិនបានទៅផ្ទះទេគឺសម្រាកព្យាបាលនៅមន្ទីរពេទ្យ ដោយសារពិបាកដកដង្ហើម។ បន្ទាប់ពីដេកពេទ្យព្យាបាលបានប្រមាណពីរថ្ងៃប៉ុណ្ណោះ អាការកាន់តែធ្ងន់ធ្ងរ និងបានបាត់បង់ជីវិតនៅថ្ងៃអង្គារ៍។

តាមទិន្នន័យពីក្រសួងសុខាភិបាលឥណ្ឌាថា ករណីស្លាប់ក្នុងរយៈពេល២៤ម៉ោងដែលបានចេញកាលពីម្សិលមិញមានចំនួន ៣២៩៣នាក់ ដែលបានធ្វើឲ្យតួលេខស្លាប់សរុបឡើងដល់ ២០១ ១៨៧នាក់។

ចំពោះអ្នកឆ្លងថ្មីគឺមានចំនួន ៣៦២ ៧៥៧នាក់ដែលខ្ពស់បំផុតបំបែកកំណត់ត្រាពិភពលោកកាលពីថ្ងៃចន្ទដែលជាចំនួនកំណត់ត្រាខ្ពស់បំផុតក្នុងលោក ៣៥២៩៩១នាក់៕

ប្រែសម្រួល៖ វីរបុត្រ
ប្រភព៖ indiatime