ព័ត៌មានអន្ដរជាតិ

ភាពមិនប្រាកដប្រជារបស់ លោក ត្រាំ នឹងនាំឱ្យណាតូខ្លាំងជាងមុន

បានផុស

១ ខែ មុន

នៅ

ថ្ងៃចន្ទ ២៧ មេសា ២០២៦

ដោយ

អឺរ៉ុបអាចបន្ថយការពឹងផ្អែកលើសហរដ្ឋអាមេរិក ដើម្បីការពារពួកគេទៀតហើយ។ ប្រសិនបើ ប្រទេសអឺរ៉ុបធ្វើសកម្មភាពប្រកបដោយការប្តេជ្ញាចិត្ត និងភាពច្នៃប្រឌិត ការរួមបញ្ចូលនៃសម្ព័ន្ធមិត្តផ្សេងៗ ពួកគេនៅតែអាចទប់ទល់នឹងការគំរាមកំហែងពីរុស្ស៊ី ដោយគ្មានសហរដ្ឋអាមេរិក។ នេះបើយោងតាមការអត្ថាធិប្បាយរបស់សារព័ត៌មានរ៉យទ័រ នៅថ្ងៃទី២៧ ខែមេសា ឆ្នាំ២០២៦ ។

ប្រធានាធិបតី សហរដ្ឋអាមេរិក លោក ដូណាល់ ត្រាំ ។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិត ការការពារអឺរ៉ុបក្នុងយុគសម័យរបស់ប្រធានាធិបតីសហរដ្ឋអាមេរិក លោក ដូណាល់ ត្រាំ គឺជាបញ្ហាប្រឈម។ ប្រធានាធិបតីអាមេរិក នៅតែបន្តសាបព្រោះការសង្ស័យលើភាពរឹងមាំរបស់ណាតូ។ ទោះបីជា លោក ត្រាំ មិនអាចដកសហរដ្ឋអាមេរិក ចេញពីសម្ព័ន្ធភាពការពារជាតិឆ្លងមហាសមុទ្រអាត្លង់ទិកដោយគ្មានការយល់ព្រមពីសភាក៏ដោយ លោក ត្រាំ ប្រហែលជាមិនមកជួយអឺរ៉ុបទេ ប្រសិនបើ រុស្ស៊ីវាយប្រហារ។

បើតាមរ៉យទ័រ ចម្លើយជាក់ស្តែងមួយ គឺប្រទេសនានាក្នុងតំបន់ត្រូវបញ្ចូលការការពារ របស់ពួកគេរួមគ្នា ឆ្ពោះទៅរកចំណុចខ្លាំងមួយ។

អឺរ៉ុបប្រឈមមុខនឹងការពិតដ៏ច្បាស់លាស់មួយ នោះគឺការសួរដេញដោលម្តងហើយម្តងទៀតរបស់ លោក ដូណាល់ ត្រាំ ពីភាពជឿជាក់របស់ណាតូ ដែលមានន័យថា ទ្វីបនេះលែងអាចទទួលយកការការពារពីសហរដ្ឋអាមេរិកប្រឆាំងនឹងរុស្ស៊ីទៀតហើយ។

ខណៈ លោក ត្រាំ មិនអាចដកអាមេរិកចេញពីសម្ព័ន្ធភាពជាផ្លូវការដោយគ្មានសភា ភាពមិនអាចទាយទុកជាមុនបានរបស់លោកបង្កើនការសង្ស័យ ថាតើទីក្រុងវ៉ាស៊ីនតោននឹងធ្វើសកម្មភាពឬអត់ ប្រសិនបើទីក្រុងមូស្គូវាយប្រហារសមាជិកណាតូណាម្នាក់។

ភាពមិនប្រាកដប្រជានេះធ្វើឱ្យកសាងសមត្ថភាព និងបង្ខំឱ្យមេដឹកនាំអឺរ៉ុបគិតឡើងវិញ អំពីឥរិយាបថសន្តិសុខផ្ទាល់ខ្លួន ជាជាងពឹងផ្អែកលើសហរដ្ឋអាមេរិក។

បើតាមអ្នកជំនាញអឺរ៉ុប លើកឡើងពីការធ្វើសមាហរណកម្មការពារជាតិពេញលេញនៅទូទាំងសហភាពអឺរ៉ុបនៅតែមិនអាចសម្រេចបានទាំងផ្នែកនយោបាយ និងការអនុវត្តជាក់ស្តែង ប៉ុន្តែអឺរ៉ុបមិនមែនជាអ្នកគ្មានអំណាចនោះទេ។

តាមរយៈការប្រមូលផ្តុំធនធានរបស់សម្ព័ន្ធភាពដែលអាចបត់បែនបាន មិនថាកងកម្លាំងប្រតិកម្មរហ័ស ការចែករំលែកព័ត៌មានស៊ើបការណ៍សម្ងាត់ ឬការទប់ស្កាត់នុយក្លេអ៊ែរដឹកនាំដោយបារាំង និងអង់គ្លេស ប្រទេសនានានៅអឺរ៉ុបអាចកសាងការការពារដ៏គួរឱ្យទុកចិត្តបាន។

ចំណែក ការតាំងចិត្ត និងភាពច្នៃប្រឌិត ជាជាងការពឹងផ្អែកលើទីក្រុងវ៉ាស៊ីនតោន នឹងក្លាយជាគន្លឹះក្នុងការការពារអឺរ៉ុបនៅក្នុងយុគសម័យថ្មីនៃហានិភ័យភូមិសាស្ត្រនយោបាយបច្ចុប្បន្ន៕

ប្រែសម្រួល៖ ណឺ មិនា