Putin មិនទទួលស្គាល់ Biden ជាប្រធានាធិបតីអាមេរិក ដរាបណា Trump មិនសុខចិត្តចាញ់ – Kampuchea Thmey Daily
Connect with us

ព័ត៌មានអន្ដរជាតិ

Putin មិនទទួលស្គាល់ Biden ជាប្រធានាធិបតីអាមេរិក ដរាបណា Trump មិនសុខចិត្តចាញ់

Published

on

ប្រធានាធិបតីរុស្ស៊ីលោក Vladimir Putin បាននិយាយថា គាត់មិនទាន់ត្រៀមខ្លួនដើម្បីទទួលស្គាល់លោក Joe Biden ជាអ្នកឈ្នះការបោះឆ្នោតប្រធានាធិបតីអាមេរិកនោះទេ ពីព្រោះជ័យជម្នះរបស់គាត់មិនត្រូវបានទទួលស្គាល់ដោយលោក Trump ឡើយ ។

លោក Biden ត្រូវបានប្រកាសជាប្រធានាធិបតីជាប់ឆ្នោតកាលពីពីរសប្តាហ៍មុននៅក្នុងការបោះឆ្នោតទល់នឹងលោក Trump ដែលបានបដិសេធមិនទទួលស្គាល់លទ្ធផលនេះ ។ ទន្ទឹមនោះប្រធានាធិបតី Trump បានចោទប្រកាន់ការលួចបន្លំសន្លឹកឆ្នោត និងបានបញ្ជាឲ្យក្រុមរបស់គាត់ចូលរួមប្រកួតប្រជែងការបោះឆ្នោតនៅក្នុងរដ្ឋសំខាន់ៗដែលធ្វើឲ្យគាត់ត្រូវជាប់ឆ្នោតឡើងវិញ ។

លោក Putin ដែលមិនទាន់អបអរសាទរលោក Biden ចំពោះជ័យជម្នះរបស់លោកបាននិយាយកាលពីថ្ងៃអាទិត្យនៅលើទូរទស្សន៍រដ្ឋរបស់ប្រទេសរុស្ស៊ីថា “យើងនឹងធ្វើការជាមួយនរណាម្នាក់ដែលមានទំនុកចិត្តពីប្រជាជនអាមេរិក” ។

យោងតាមទីភ្នាក់ងារព័ត៌មាន Bloomberg លោក​ Putin បាននិយាយថា “ប៉ុន្តែទំនុកចិត្តនេះអាចត្រូវបានផ្តល់ឲ្យតែបេក្ខជនដែលឈ្នះត្រូវបានទទួលស្គាល់ដោយគណបក្សប្រឆាំង ឬបន្ទាប់ពីលទ្ធផលត្រូវបានបញ្ជាក់តាមរបៀបត្រឹមត្រូវតាមច្បាប់ប៉ុណ្ណោះ” ។

លោកក៏បាននិយាយផងដែរថា “ការសម្រេចចិត្តមិនអបអរសាទរលោក Biden គឺជាភាពជាផ្លូវការមួយដែលមិនមានហេតុផលលំអៀង ហើយទំនាក់ទំនងរវាងសហរដ្ឋអាមេរិក និងរុស្ស៊ីត្រូវបានបំផ្លាញ” ។

គួររម្លឹកផងដែរថា នៅពេលដែលលោក Trump បានឈ្នះឆ្នោតនៅឆ្នាំ ២០១៦ លោក Putin បានបង្ហាញការអបអរសាទរភ្លាមៗ ខណៈដែលគូប្រជែងរបស់លោក Trump នៅក្នុងការបោះឆ្នោតនោះគឺលោកស្រី Hillary Clinton ក៏បានបដិសេធមិនទទួលស្គាល់លទ្ធផលនេះដូចគ្នា បន្ទាប់ពីការបោះឆ្នោត ៕

ប្រែសម្រួលដោយ ៖ ជីវ័ន្ត

ប្រភព ៖ Daily Mail

ចុចអាន ៖ តារាបង្ហាញម៉ូដបង្ហោះរូបស្រាតននលគកក្នុង Instagram ដើម្បីអបអរមិត្តប្រុសឈ្នះពាន

ចុចអាន ៖ UNICEF នឹងដឹកជញ្ជូនវ៉ាក់សាំងកូវីដចំនួន ២ ពាន់លានដូសទៅប្រទេសក្រីក្រ នៅឆ្នាំ ២០២១

ចុច Like Facebook កម្ពុជាថ្មី

ព័ត៌មានពេញនិយម