កូរ៉េ​ខាងជើង ​ឲ្យប្រជាជនប្រយ័ត្នមែនទែននៅរដូវរងានេះ កូវីដ អាចឆ្លងតាមព្រិលធ្លាក់

នៅថ្ងៃព្រហស្បតិ៍នេះប្រទេសកូរ៉េខាងជើងបានអំពាវនាវដល់ប្រជាជនឲ្យមានវិធានការបង្ការយ៉ាងហ្មត់ចត់ប្រឆាំងនឹងជំងឺកូវីដ ១៩ នៅរដូវរងានេះ ។

កាសែត Rodong Sinmun ដែលគ្រប់គ្រងដោយគណបក្សពលករកូរ៉េខាងជើង បានគូសបញ្ជាក់ថា បើយើងមិនប្រុងប្រយ័ត្ននោះទេ វីរុសនេះអាចឆ្លងបានសូម្បីតែតាមរយៈព្រិលធ្លាក់ ។

កាសែតនេះបាននិយាយថា “ក្នុងរដូវរដូវរងា វាជារឿងសំខាន់ដែលត្រូវដឹង និងត្រូវធ្វើឲ្យបានហ្មត់ចត់ដើម្បីវិធានការប្រឆាំងមេរោគ” ។

ទន្ទឹមនោះ កាសែតនេះក៏បានពណ៌នាអំពីវិធានការគ្រប់គ្រង និងបង្ការមេរោគ ក្នុងអំឡុងរដូវរងានេះថាជា គម្រោង “គោលនយោបាយដ៏សំខាន់” ដើម្បីកំណត់ថាតើការវឌ្ឍនភាពការពារប្រទេស និងប្រជាជនមិនឲ្យឆ្លងកូវីដឈានដល់កម្រិតណា ។

គួរបញ្ជាក់ថា រហូតមកដល់ពេលនេះ ប្រទេសកូរ៉េខាងជើងមិនទាន់មានរបាយការណ៍អំពីករណីឆ្លងកូវីដបញ្ជាក់ដល់អង្គការសុខភាពពិភពលោក (WHO) នោះទេ ៕

ប្រែសម្រួលដោយ ៖ ជីវ័ន្ត

ប្រភព ៖ The Nation

ចុចអាន ៖ ក្ងានខ្មៅមានអ្វីពិសេស ទើប កូរ៉េខាងជើង បង្កាត់ពូជ ឲ្យប្រជាជនទទួលទាន