ព័ត៌មានអន្ដរជាតិ
ក្ងានខ្មៅមានអ្វីពិសេស ទើបកូរ៉េខាងជើង បង្កាត់ពូជ ឲ្យប្រជាជនទទួលទាន (មានវីដេអូ)
ប្រទេសកូរ៉េខាងជើង បានដាក់សាច់ក្ងានខ្មៅ ដែលមានរសជាតិឆ្ងាញ់ នៅលើមុខម្ហូបអនុញ្ញាតឲ្យប្រជាជនទទួលទាន ក្នុងកិច្ចខិតខំប្រឹងប្រែងដើម្បីជម្នះបញ្ហាកង្វះខាតអាហាររ៉ាំរ៉ៃរបស់ប្រទេស។
សត្វក្ងានខ្មៅ កំពុងត្រូវបានបង្កាត់ពូជ តាមខ្នាតឧស្សាហកម្ម នៅមជ្ឈមណ្ឌលបង្កាត់ពូជថ្មីមួយ ក្នុងកសិដ្ឋានចិញ្ចឹមទាដ៏ធំបំផុតរបស់ប្រទេសនៅឆ្នេរសមុទ្រភាគខាងកើត។
រឿងនេះបានកើតឡើងមួយថ្ងៃ បន្ទាប់ពីមេដឹកនាំ គីម ជុងអ៊ុន ព្រមានប្រជាជនកូរ៉េខាងជើងថា ពួកគេត្រូវបរិភោគអាហារតិចតួចបានហើយ រហូតដល់ពេលប្រទេសនេះបើកព្រំដែនជាមួយ ចិនឡើងវិញនៅឆ្នាំ២០២៥។
ប្រទេសក្រីក្រមួយនេះ កំពុងប្រឈមមុខនឹងវិបត្តិស្បៀងអាហារ និងសេដ្ឋកិច្ចដ៏អន់ខ្សោយ ប៉ុន្តែឥឡូវ ក្រុមមន្ត្រីនិយាយថា សាច់ក្ងានខ្មៅដ៏ឆ្ងាញ់គឺជា “ចម្លើយ” ខណៈពួកគេអះអាងថា វាជា អាហារជួយសុខភាពដ៏ពិសេស។
ជម្រកសត្វក្ងាន ត្រូវបានសាងសង់នៅក្នុងកសិដ្ឋានចិញ្ចឹមទា Kwangpho នៃតំបន់ Jongphyong ជាកន្លែងដែលសត្វក្ងានខ្មៅនឹងត្រូវបានបង្កាត់ពូជ។
ទីភ្នាក់ងារសារព័ត៌មានរដ្ឋកូរ៉េ KCNA បានរាយការណ៍ថា “សាច់ក្ងានខ្មៅមានរសជាតិឆ្ងាញ់ និងមានគុណតម្លៃជាឱសថ ហើយការបង្កាត់ពូជតាមបែបឧស្សាហកម្ម នឹងលើកកម្ពស់ជីវភាពរស់នៅរបស់ប្រជាជន”។
ការសាងសង់នេះ បានផ្តល់នូវមូលដ្ឋានគ្រឹះសម្រាប់ការលើកកម្ពស់ជីវភាពរស់នៅរបស់ប្រជាជន តាមរយៈការបង្កាត់ពូជសត្វក្ងានខ្មៅដែលជាសត្វស្លាបលម្អដ៏កម្រ។
ប្រព័ន្ធផ្សព្វផ្សាយរដ្ឋធ្លាប់រាយការណ៍ថា សាច់ក្ងានខ្មៅគឺជា អាហារសុខភាពពិសេសប្រចាំសតវត្សរ៍ទី២១ ដែលមានរសជាតិពិសេស និងតម្លៃអាហារូបត្ថម្ភខ្ពស់បំផុត៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Daily Mail
ចុចអាន៖ គីម ជុងអ៊ុន បញ្ជាឲ្យពលរដ្ឋ បរិភោគ អាហារ តិចតួច ដល់ឆ្នាំ ២០២៥
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង