ព័ត៌មានអន្ដរជាតិ
គេសង្ស័យថា WHO មិនប្រើអក្សរ Xi របស់ក្រិក យកទៅដាក់ឈ្មោះវីរុសបំប្លែងថ្មី ដើម្បីកុំឲ្យ ចិន ខឹង
ទំនាក់ទំនងរវាងប្រទេសចិន និងអង្គការសុខភាពពិភពលោក (WHO) បានស្ថិតនៅក្រោមការយកចិត្តទុកដាក់សាជាថ្មី បន្ទាប់ពីស្ថាប័នអង្គការសហប្រជាជាតិ (UN) មួយនេះ បានរំលងអក្សរក្រិក “Xi” ហើយហៅវីរុសកូវីដ១៩បំប្លែងខ្លួនថ្មីថា “Omicron” ជំនួសវិញ។
កាលពីចុងសប្តាហ៍ WHO បានបង្កឲ្យមានការរិះគន់ពីសំណាក់ក្រុមអ្នកប្រឆាំងចិន បន្ទាប់ពីខ្លួនដាក់ឈ្មោះវីរុសបំប្លែងខ្លួនប្រភេទថ្មីថា “Omicron” ជំនួសឲ្យ “Nu” ឬ “Xi”។
ស្ថាប័ន UN មួយនេះបាននិងកំពុងប្រើប្រាស់អក្សរក្រិកដូចជា Alpha, Beta និង Delta ដើម្បីសម្គាល់វីរុសបំប្លែងខ្លួនទាំងនោះ ដោយនិយាយនៅលើគេហទំព័ររបស់ខ្លួនថា វានឹងកាន់តែងាយស្រួលសម្រាប់ការហៅឈ្មោះដែលមិនមានលក្ខណៈវិទ្យាសាស្ត្រ។
ទោះបីជាយ៉ាងណាក៏ដោយ ការសម្រេចចិត្តរបស់ខ្លួនក្នុងការដាក់ឈ្មោះវីរុសបំប្លែងថ្មីចេញពីអាហ្វ្រិកខាងត្បូងថា “Omicron” បានបង្កឲ្យមានការសង្ស័យថា WHO មានចេតនារំលងពាក្យ “Xi” ដើម្បីចៀសវាងការខឹងសម្បាពីប្រធានាធិបតីចិនលោក Xi Jinping។
លោកប្រធានាធិបតី Xi ត្រូវបានគេចោទប្រកាន់ថា បានដាក់ឥទ្ធិពលយ៉ាងសំខាន់លើអគ្គនាយក WHO និងជាអតីតរដ្ឋមន្ត្រីអេត្យូពីលោក Tedros Adhanom Ghebreyesus ដែលប្រទេសរបស់លោក បានក្លាយជាអ្នកទទួលការវិនិយោគដ៏ធំពីប្រទេសចិន។
គួរបញ្ជាក់ជាថ្មីថា WHO បានប្រកាសកាលពីថ្ងៃសុក្រអំពីវីរុសបំប្លែងខ្លួនថ្មីជាក្តីព្រួយបារម្ភ ហើយដាក់ឈ្មោះវាថា Omicron។
វីរុសនេះមានបម្រែបម្រួលមួយចំនួនធំ ហើយភស្តុតាងដំបូងបានបង្ហាញពីការកើនឡើងហានិភ័យនៃការឆ្លងឡើងវិញ។
អាហ្វ្រិកខាងត្បូង បានរាយការណ៍ករណីនេះជាលើកដំបូងទៅកាន់ WHO នៅថ្ងៃទី២៤ខែវិច្ឆិកា ហើយវីរុសបំប្លែងថ្មីដ៏គ្រោះថ្នាក់នេះ ក៏ត្រូវបានរកឃើញផងដែរនៅក្នុងប្រទេសមួយចំនួនលើពិភពលោក៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ថៃ ធ្វើតេស្តរក Omicron លើអ្នកដំណើរមកពីអាហ្វ្រិកខាងត្បូង ជាង១ពាន់នាក់ ពេលនេះចេញលទ្ធផលហើយ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ