ព័ត៌មានអន្ដរជាតិ
កងកម្លាំងសន្តិសុខមីយ៉ាន់ម៉ា បើករថយន្តបំបុកក្រុមបាតុករ ស្លាប់មនុស្ស៥នាក់
មនុស្សចំនួន៥នាក់ត្រូវបានសម្លាប់ និង១៥នាក់ត្រូវចាប់ខ្លួន បន្ទាប់ពីកងកម្លាំងសន្តិសុខមីយ៉ាន់ម៉ា បើករថយន្តបំបុកក្រុមបាតុករដែលកំពុងតវ៉ាប្រឆាំងរដ្ឋប្រហារកាលពីព្រឹកថ្ងៃអាទិត្យទី៥ខែធ្នូនៅទីក្រុង យ៉ាំងហ្គោន។
សាក្សីនៅកន្លែងកើតហេតុបានប្រាប់រ៉យទ័រថា មនុស្សរាប់សិបនាក់ក៏បានរងរបួសផងដែរ។
ការតវ៉ាមួយទៀត ត្រូវបានធ្វើឡើងក្នុងទីក្រុងយ៉ាំងហ្គោន នៅពេលរសៀល បើទោះបីជាមានអំពើហិង្សាពេលព្រឹកក៏ដោយ។ក្រសួងការពារជាតិបាននិយាយនៅក្នុងសេចក្តីថ្លែងការណ៍មួយ លើប្រព័ន្ធផ្សព្វផ្សាយសង្គមបន្ទាប់ពីការវាយប្រហារកាលពីថ្ងៃអាទិត្យថា “យើងនឹងឆ្លើយតបយ៉ាងម៉ឺងម៉ាត់ចំពោះយោធាភេរវករ ដែលបានសម្លាប់អ្នកតវ៉ាដោយសន្តិវិធីយ៉ាងព្រៃផ្សៃ និងអមនុស្សធម៌”។
នៅក្នុងឧបទ្ទវហេតុនេះ ការតវ៉ា “Flash Mob” នៅទីក្រុងយ៉ាំងហ្គោន ដែលជាទីក្រុងធំជាងគេរបស់ប្រទេសមីយ៉ាន់ម៉ា ត្រូវបានរំខាន ប៉ុន្មាននាទីបន្ទាប់ពីចាប់ផ្តើម។
សាក្សីនិយាយថា រថយន្តមួយគ្រឿងដែលទាហានកាន់កាប់ បានបុកហ្វូងមនុស្សពីខាងក្រោយ ហើយដេញតាមក្រោយក្រុមអ្នកតវ៉ាដែលបែកខ្ញែកគ្នា។
អ្នកនាំពាក្យយោធា មិនបានលើកទូរស័ព្ទដើម្បីស្វែងរកការអធិប្បាយទេកាលពីថ្ងៃអាទិត្យ។
បាតុកម្មប្រឆាំងយោធា កំពុងបន្តថ្វីបើមានការសម្លាប់មនុស្សជាង១,៣០០នាក់ ចាប់តាំងពីរដ្ឋប្រហារថ្ងៃទី១ខែកុម្ភៈមកក៏ដោយ។ ការតវ៉ាជាញឹកញាប់គឺជាក្រុមតូចៗ ដែលបង្ហាញការប្រឆាំងនឹងការផ្តួលរំលំរដ្ឋាភិបាលជាប់ឆ្នោត ដែលដឹកនាំដោយម្ចាស់ជ័យលាភីពានរង្វាន់ណូបែលលោកស្រី អ៊ុងសាន ស៊ូជី និងការវិលត្រឡប់នៃការគ្រប់គ្រងដោយយោធា៕
ប្រែសម្រូល៖ Vann Vann
ប្រភព៖ CNA
ចុចអាន៖ មនុស្សកកកុញសម្រុកទៅវត្ត ដើរធ្លាក់ផ្លូវ លង់ទឹកស្លាប់១៥នាក់នៅ មីយ៉ាន់ម៉ា
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២២ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore