ថ្ងៃនេះ ២ ឆ្នាំមុន កូវីដ ចូលអុកឡុកដល់ប្រទេសអាស៊ានក្បែរ កម្ពុជា យើង

កាលពីថ្ងៃទី១៣ ខែមករា ឆ្នាំ២០២០ ថៃបានប្រកាសពីការរកឃើញករណីវីរុសកូវីដ ១៩ របស់ខ្លួនជាលើកដំបូង បន្ទាប់ពីវីរុសមួយនេះផ្ទុះឡើងនៅក្នុងទីផ្សារទីក្រុងអ៊ូហានប្រទេសចិនកាលពីចុងឆ្នាំ ២០១៩ ។

អាជ្ញាធរសុខភាពសាធារណៈថៃបានប្រកាសថា ករណីវីរុសកូវីដ ១៩ ត្រូវបានរកឃើញលើស្ត្រីជនជាតិចិនម្នាក់ និងត្រូវបានធ្វើចត្តាឡីស័កនៅក្នុងប្រទេសថៃ ហើយវាជាការរកឃើញករណីវីរុសកូវីដ ១៩ លើកដំបូងនៅខាងក្រៅប្រទេសចិន ខណៈអ្នកជំងឺនោះមកពីទីក្រុង អ៊ូហាន ។

ទន្ទឹមនោះ វាកើតឡើងតែប៉ុន្មានថ្ងៃប៉ុណ្ណោះ បន្ទាប់ពីប្រទេសចិនបានរាយការណ៍អំពីករណីស្លាប់ ដោយសារកូវីដ ១៩ របស់ខ្លួនជាលើកដំបូងកាលពីថ្ងៃទី ១១ ខែមករា ឆ្នាំ ២០២០ ។

គួរបញ្ជាក់ថា គិតត្រឹមពេលនេះប្រទេសថៃបានកត់ត្រាករណីឆ្លងវីរុសកូវីដ ១៩ ជាង ២.៣ លានករណី និងមានអ្នកស្លាប់ចំនួន ២១,៨៨៦ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ CIDRAP

ចុចអាន ៖ ថៃ ងាកទៅរកការនាំចេញផ្លែឈើស្រស់តាមផ្លូវរថភ្លើង ចិន-ឡាវ