ព័ត៌មានអន្ដរជាតិ

លោកស្រី Xiomara ក្លាយជាប្រធានាធិបតីស្ត្រីដំបូងក្នុងប្រវត្តិសាស្ត្រហុងឌូរ៉ាស

បានផុស

៣ years មុន

នៅ

ថ្ងៃសុក្រ ២៨ មករា ២០២២

ដោយ

លោកស្រី Xiomara Castro បានស្បថចូលកាន់តំណែងកាលពីថ្ងៃព្រហស្បតិ៍ម្សិលមិញដែលបានក្លាយជាប្រធានាធិបតីស្ត្រីដំបូងក្នុងប្រវត្តិសាស្ត្រប្រទេសហុងឌូរ៉ាសដែលទទួលការអបអរសាទរពីអនុប្រធានាធិបតីសហរដ្ឋអាមេរិក លោកស្រី Kamala Harris ដែលបានសន្យាថា អាមេរិកនឹងជួយទប់ស្កាត់អន្តោប្រវេសន៍ និងកម្ចាត់អំពើពុករលួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីចូលកាន់តំណែងរបស់លោកស្រី Castro បានបញ្ចប់ការកាន់អំណាចរយៈពេល៨ឆ្នាំរបស់លោក Juan Orlando Hernandez ជាសម្ព័ន្ធមិត្តអាមេរិកដែលត្រូវបានតុលាការអាមេរិកចោទប្រកាន់ពីបទអំពើពុករលួយ និងជាប់ពាក់ព័ន្ធការជួញដូរគ្រឿងញៀន។ ការឡើងកាន់តំណែងនេះចំពេលដែលរដ្ឋាភិបាលរបស់លោកស្រីត្រូវប្រឈមសភាបែងចែកយ៉ាងខ្លាំង ព្រមទាំងបំណុល និងទំនាក់ទំនងជាមួយចិនកំពុងកើនឡើង។

លោកស្រី Castro និងស្វាមីជាអតីតប្រធានាធិបតីលោក Manuel Zelaya

លោកស្រី Castro ដែលអមដោយស្វាមីគឺអតីតប្រធានាធិបតីលោក Manuel Zelaya បានស្បថចូលកាន់តំណែងនៅកីឡដ្ឋានបាល់ទាត់ដែលមានអ្នកគាំទ្រយ៉ាងច្រើនកុះករទះដៃអបអរសាទរចំពោះការប្តេជ្ញារបស់លោកស្រីដើម្បីដោះស្រាយបន្ទុកបំណុលដ៏ធ្ងន់ធ្ងរ។

អនុប្រធានាធិបតីសហរដ្ឋអាមេរិក លោកស្រី Kamala Harris

លោកស្រី Castro មានប្រសាសន៍ក្នុងសុន្ទរកថាបើកថា ៖«មហន្តរាយសេដ្ឋកិច្ចដែលខ្ញុំកំពុងទទួលគឺគ្មានអ្វីប្រៀបបានទេក្នុងប្រវត្តិសាស្ត្រប្រទេសរបស់យើង»។

លោកស្រីអនុប្រធានាធិបតីអាមេរិក Harris ត្រូវបានគេទះដៃសាទរយ៉ាងខ្លាំងនៅពេលត្រូវបានណែននាំខ្លួនក្នុងពិធីស្បថចូលកាន់តំណែងនោះបានអបអរសាទរដល់លោកស្រី Castro ជុំវិញការបោះឆ្នោតប្រកបដោយប្រជាធិបតេយ្យរបស់លោកស្រី៕