ព័ត៌មានអន្ដរជាតិ
អាមេរិក កាត់ទោសអតីតប្រធានាធិបតីហុងឌូរ៉ាស ឲ្យជាប់គុក៤៥ឆ្នាំ
តុលាការអាមេរិក កាលពីថ្ងៃទី២៦ ខែមិថុនា ឆ្នាំ២០២៤ បានសម្រេចដាក់ទោសលោក Juan Orlando Hernandez អតីតប្រធានាធិបតីប្រទេសហុងឌូរ៉ាស ឲ្យជាប់ពន្ធនាគាររយៈពេល ៤៥ឆ្នាំ និងពិន័យជាប្រាក់៨លានដុល្លារ ពីបទប្រើប្រាស់កងកម្លាំងប៉ូលិស និងយោធាលួចរត់ពន្ធគ្រឿងញៀនប្រភេទកូកាអ៊ីនប្រមាណ ៥០០តោន ចូលទៅក្នុងទឹកដីសហរដ្ឋអាមេរិក។
លោក Hernandez វ័យ៥៥ឆ្នាំ បានកាន់តំណែងជាប្រធានាធិបតីហុងឌូរ៉ាសចំនួន២អាណត្តិ គិតចាប់តាំងពីឆ្នាំ២០១៤ ដល់ឆ្នាំ២០២២។ លោកត្រូវបានចាប់ខ្លួននៅគេហដ្ឋានក្នុងរដ្ឋធានី Tegucigalpa រយៈពេល៣ខែបន្ទាប់ពីរបូតតំណែងជាប្រធានាធិបតី ហើយត្រូវបានបញ្ជូនទៅកាន់សហរដ្ឋអាមេរិកដើម្បីកាត់ទោស កាលពីខែមេសា ឆ្នាំ២០២២។
ព្រះរដ្ឋអាជ្ញា បានចោទប្រកាន់លោក Hernandez ថាបានឃុបឃិតជាមួយក្រុមអ្នកជួញដូរគ្រឿងញៀន ចាប់តាំងពីឆ្នាំ២០០៤មកម៉្លេះ ដោយទទួលបានសំណូកជាលុយរាប់លានដុល្លារ។ ព្រះរដ្ឋអាជ្ញា បានស្នើឲ្យតុលាការកាត់ទោសដាក់គុកលោក Hernandez មួយជីវិត ក្រោមហេតុផលចង់ឲ្យក្រុមអ្នកជួញដូរគ្រឿងញៀន និងមន្ត្រីពុករលួយមានភាពខ្លាចរអា។ យ៉ាងណាមិញ សំណើដាក់ទោសមួយជីវិតនេះមិនបានសម្រេចនោះទេ ពោលគឺត្រឹមបានដាក់ទោស ៤៥ឆ្នាំប៉ុណ្ណោះ។
នៅអំឡុងពេលសវនាការនៅទីក្រុងញ៉ូវយ៉ក លោក Hernandez បានឆ្លើយសារភាពថា លោកពិតជាទទួលសំណូកប្រាកដមែន តែលុយកង្វក់ទាំងនោះត្រូវបានចែកចាយឲ្យទៅបណ្ដាគណបក្សនយោបាយធំៗនៅក្នុងប្រទេសហុងឌូរ៉ាស ដោយលោកបដិសេធថានេះមិនមែនជាសំណូកផ្ទាល់ខ្លួនតែម្នាក់ឯងនោះឡើយ។
ក្រុមគណៈវិនិច្ឆ័យ បានកាត់ទោសអតីតប្រធានាធិបតីហុងឌូរ៉ាស ដោយផ្អែកតាមព័ស្តុតាង ដែលបង្ហាញថា លោក Hernandez បានប្រើប្រាស់លុយសំណូកពីគ្រឿងញៀនយកទៅក្លែងបន្លំសន្លឹកឆ្នោត កាលពីឆ្នាំ២០១៣ និងឆ្នាំ២០១៧។
សូមបញ្ជាក់ថា លោក Hernandez មិនមែនជាអតីតមេដឹកនាំនៅអាមេរិកឡាទីនដំបូងគេឡើយ ដែលត្រូវកាត់ទោសពីបទឧក្រិដ្ឋកម្មគ្រឿងញៀននៅលើទឹកដីសហរដ្ឋអាមេរិក។ តុលាការអាមេរិក ធ្លាប់កាត់ទោសអតីតមេដឹកនាំ២រូបនៅអាមេរិកឡាទីន ដូចជា លោក Manuel Noriega នៃប្រទេសប៉ាណាម៉ា ក្នុងឆ្នាំ១៩៩២ និងលោក Alfonso Portillo នៃប្រទេសក្វាតេម៉ាឡា ក្នុងឆ្នាំ២០១៤៕
ដោយ៖ ឈាង
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ