ប្រធានាធិបតីហុងឌូរ៉ាស លោកស្រី Xiomara Castro បានប្រកាសថា ប្រទេសរបស់អ្នកស្រី នឹងស្វែងរកការបង្កើតទំនាក់ទំនងការទូតជាមួយចិនដីគោកជំនួសវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហុងឌូរ៉ាស គឺជារដ្ឋអធិបតេយ្យមួយ ក្នុងចំណោមរដ្ឋអធិបតេយ្យចំនួន១៤ ដែលរក្សាទំនាក់ទំនងផ្លូវការជាមួយកោះតៃវ៉ាន់។

លោក Castro បាន​សរសេរ​លើ Twitter នៅ​ថ្ងៃពុធទី១៥ខែមីនា​ថា លោកស្រី​បាន​ណែនាំ​រដ្ឋមន្ត្រី​ការបរទេសលោក Eduardo Reina ឲ្យ​គ្រប់គ្រង​ការបើក​ទំនាក់ទំនង​ផ្លូវការ​ជាមួយ​សាធារណរដ្ឋ​ប្រជាមានិត​ចិន ​ក្នុងគោលនយោបាយ “​ការពង្រីក​ព្រំដែន​ដោយ​សេរីភាព”។

មកទល់ពេលនេះ ទីក្រុងតៃប៉ិ មិនទាន់ធ្វើអត្ថាធិប្បាយលើការប្រកាសនេះជាសាធារណៈនៅឡើយទេ ប៉ុន្តែប្រភពមួយនៅក្នុងនាយកដ្ឋានកិច្ចការបរទេសរបស់ខ្លួននិយាយថា ក្រុមមន្ត្រីកំពុងធ្វើការស៊ើបអង្កេតលើស្ថានភាពនេះ។

បច្ចុប្បន្ននេះ មានតែប្រទេសមួយចំនួនតូចប៉ុណ្ណោះ ដែលទទួលស្គាល់តៃវ៉ាន់ជារដ្ឋអធិបតេយ្យ ដែលក្នុងនោះមានដូចជា ហ្គាតេម៉ាឡា ប៉ារ៉ាហ្គាយ បេលីហ្ស ហៃទី សាំងវិនសិនអេនហ្គ្រេណាឌីន សាំងឃីតអេនណេវីស សាំងលូស៊ី ណៅរូ កោះម៉ាស្យល ប៉ាឡៅ ទូវ៉ាលូ អេសវ៉ាទីនី និងហូលីស៊ី៕

ប្រែសម្រួល៖ Vann Vann

ប្រភព៖ RT

ចុចអាន៖ សិស្ស តៃវ៉ាន់ អាចដាក់ពាក្យចូលរៀននៅ មហាវិទ្យាល័យ ចិន ដីគោកបាន