ព័ត៌មានអន្ដរជាតិ

នារីម្នាក់ ក្លាយជាកូនក្រមុំបានមួយថ្ងៃ ទើបដឹងថា ស្វាមីជាភេទទី ៣

បានផុស

៤ years មុន

នៅ

ថ្ងៃពុធ ២៣ កុម្ភៈ ២០២២

ដោយ

នារីម្នាក់ក្លាយជាកូនក្រមុំក្នុងថ្ងៃរៀបការរបស់ខ្លួន បានតែមួយថ្ងៃប៉ុណ្ណោះ ក្រោយពិធីមង្គលការ ត្រូវបានលុបចោល បន្ទាប់ពីដឹងថា ស្វាមីថ្មីថ្មោងរបស់នាងជាខ្ទើយ (ភេទទី៣)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ត្រីវ័យក្មេងរូបនេះ មកពីទីក្រុងហ្សាកាតា ប្រទេសឥណ្ឌូណេស៊ី នាងបានបង្ហោះនៅលើបណ្ដាញសង្គម TikTok និយាយអំពីការឈឺចាប់របស់ខ្លួនថា “រៀបការដូចជាមហាក្សត្រី ប៉ុន្តែខ្ទេចខ្ទីដូចធូលីដីក្នុងពេលមួយភ្លែត» ។ ការបង្ហោះនេះ ត្រូវបានធ្វើឡើងបន្ទាប់ពីយប់ដំបូងនៃការរៀបការ ប្តីរបស់ស្ត្រីរូបនេះ មិនព្រមរួមគ្រែទេ ។ ប៉ុន្តែនៅទីបំផុត ការពិតក៏បានបង្ហាញឡើងមក ធ្វើឲ្យនាងកាន់តែតក់ស្លុតទៅទៀត។

នាងក៏បានចែករំលែករូបថតនិងការសន្ទនារវាងស្វាមីរបស់នាង និងដៃគូប្រុសរបស់គាត់។ តាមពិត គាត់កំពុងប្រើនាងជា “ការបិទបាំង” នៃទំនោរផ្លូវភេទរបស់គាត់តែប៉ុណ្ណោះ។

មុនពេលគណនីរបស់នាងត្រូវបានលាតត្រដាងជាឯកជន ស្ត្រីមកពីទីក្រុងហ្សាកាតារូបនេះ បានទទួលមតិសាធារណៈជាច្រើន ដោយបង្ហាញការគាំទ្រផ្លូវចិត្តចំពោះនាង។ ឪពុកម្ដាយរបស់នាងឯណោះ ក៏បានបង្ហាញពីការគាំទ្រ និងសុំឲ្យនាងរឹងមាំ និងមានជំនឿចិត្តដើរទៅមុខបន្ត។

យ៉ាងណាមិញ នេះជារឿងគួរឲ្យភ័យខ្លាចណាស់ ក្នុងការលាតត្រដាងការពិតអំពីនរណាម្នាក់ ដែលអ្នកគិតថា អ្នកធ្លាប់ស្គាល់ ឬស្រលាញ់ខ្លាំង។ នេះប្រហែលជាឧទាហរណ៍ដ៏ល្អបំផុតមួយ អំពីមូលហេតុ ដែលយើងគួរតែយល់ច្បាស់ពីបុគ្គលនោះ មុនពេលរៀបការជាមួយគាត់ ដើម្បីការពារការខូចចិត្ត ដែលមិនចង់បានដូចនារីនៅឥណ្ឌូណេស៊ីនេះ៕

ប្រែសម្រួល៖ សាង ស្រីល័ក្ខ

ប្រភព៖worldofbuzz

ចុចអាន៖បះសក់មិនស្ទើរ ក្រោយឃើញខោអាវនិងវត្ថុចាស់ៗប្រឡាក់ឈាម កប់ក្រោមជណ្ដើរផ្ទះ ទិញតពីគេ