ព័ត៌មានអន្ដរជាតិ

បះសក់មិនស្ទើរ ក្រោយឃើញខោអាវនិងវត្ថុចាស់ៗប្រឡាក់ឈាម កប់ក្រោមជណ្ដើរផ្ទះ ទិញតពីគេ

បានផុស

៤ years មុន

នៅ

ថ្ងៃពុធ ២៣ កុម្ភៈ ២០២២

ដោយ

នារីម្នាក់បានបង្ហោះរូបភាពច្រើនសន្លឹក ពីផ្ទះដែលនាងទិញបន្តពីគេ នៅក្នុងបណ្ដាញសង្គមហ្វេសប៊ុក ទាំងភ័យតក់ស្លុតជាខ្លាំង ក្រោយខ្លួនបាន ជួបរឿងគួរឲ្យព្រឺព្រួច ក្នុងពេលកំពុងជួសជុលផ្ទះ។

ហេតុការណ៍នេះបានកើតលើស្ត្រីជនជាតិថៃម្នាក់ឈ្មោះ Siriwan Jindakul ដោយរូបនាងប្រទះឃើញ ខោអាវ និងវត្ថុចាស់ៗដែលប្រឡាក់ឈាម កប់ក្រោមជណ្ដើរ ក្នុងពេលកែលំអផ្ទះសារជាថ្មី។

ភ្លាមៗនោះដែរ នាងក៏បានយករូបភាពដែលថតបាន ទៅបង្ហោះលើហ្វេសបុក ដើម្បីសួរនាំអ្នកដែលយល់ដឹងពីហេតុការណ៍ ឬអាចថា ទាក់ទងនឹងអប្បិយជំនឿក្នុងផ្លូវងងឹតណាមួយ។

នាងបានសរសេរយ៉ាងដូច្នេះថា ” ជំរាបសួរ ខ្ញុំសុំសួររឿងទិញផ្ទះបន្តពីគេ ខ្ញុំរៀបនឹងជួសជុលផ្ទះ។ ខណៈពេលដែលជាងមេកានិច កំពុងរុះរើជណ្ដើរ និងជីក ពួកគេក៏ប្រទះឃើញខោអាវចាស់ៗប្រឡាក់ឈាមនិងវត្ថុផ្សេងៗ កប់ក្រោមបង្គោលជណ្ដើរ៣រន្ធ ទាំង៤ មានអាវស១១ និងខ្មៅ១ ។ ខ្ញុំចង់ដឹង ហេតុអ្វីបានជាមនុស្សកប់វា? ក្នុងករណីបើមានក្រុមអ្នកបច្ចេកទេសបញ្ចុះសព កប់ដើម្បីអ្វី? បើយើងជាជនចំណូលថ្មី ត្រូវជួសជុលវាដោយរបៀបណា? “

ក្រោយបង្ហោះរួច អ្នកនិយមលេងអ៊ីនធឺណិតជាច្រើន បានផ្ដល់មតិយោបល់ថា នាងគួរតែអញ្ជើញព្រះតេជគុណសូត្រមន្តសុំគេសិន សឹមជួសជុលបន្ត និងដើម្បីជួយការពារអ្នកនៅផ្ទះទាំងអស់គ្នាផងដែរ។ ចំណែកអ្នកខ្លះ ក៏និយាយថា មិនបាច់ធ្វើអ្វីទាំងអស់ ឬគ្រាន់តែយកវាទៅបោះចោលទៅ រួចស្រេចហើយ៕

ប្រែសម្រួល៖ សាង ស្រីល័ក្ខ

ប្រភព៖Sanook

ចុចអាន៖Baifern បង្ហោះរូបប៉ុន្មានសន្លឹកសោះ អ្នកគាំទ្រគាំងនិយាយលែងចេញ

ចុចអាន៖មុននេះ តួឯកប្រុសក្នុងរឿង ” ភរិយាបណ្ដូលចិត្ត” James Jirayu ប្រកាសថា ខ្លួនឆ្លងកូវីដ-១៩