ពិភពលោករំជួលចិត្ត ក្រោយស្ត្រីបើកយន្តហោះចម្បាំងដំបូងគេរបស់ អ៊ុយក្រែន បានស្លាប់ម្សិលមិញ

ពិភពលោកមានការតក់ស្លុត និងរំជួលចិត្តជាខ្លាំង ក្រោយនាង Natasha Perakov ជាអ្នកបើកយន្តហោះយោធា អ៊ុយក្រែន ដ៏ល្បីល្បាញ និងដំបូងគេ បានស្លាប់នៅក្នុងសង្គ្រាមអ៊ុយក្រែនទល់នឹងរុស្ស៊ី កាលពីម្សិលមិញនេះ។

ក្រោយពេល Natasha Perakov បានស្លាប់នៅក្នុងការវាយប្រហារ កាលពីថ្ងៃអាទិត្យទី២៧ ខែកុម្ភៈ ឈ្មោះរបស់នាងចាប់ផ្តើមល្បីល្បាញពេញលើអ៊ីនធឺណិត ដោយសារតែវីរភាព និងការលះបង់ជីវិតចំពោះជាតិមាតុភូមិ។

មកទល់ពេលនេះ ពុំមានព័ត៌មានច្រើនអំពី Natasha Perakov នោះទេ គេគ្រាន់តែប៉ាន់ស្មានថា នាងអាចកើតក្នុងចន្លោះឆ្នាំ ១៩៨៩-១៩៩៦ ខណៈបច្ចុប្បន្ននាងប្រហែលជាមានអាយុ ២៥-៣២ ឆ្នាំ។ ទោះយ៉ាងណា គេបានដឹងថា Natasha Perakov មានកំណើតនៅក្នុងប្រទេស អ៊ុយក្រែន និងជាសាសនិកយូដា (ជីហ្វ)។

ប្រភពបានឱ្យដឹងខ្លះផងដែរថា អ្នកបើកយន្តហោះចម្បាំងរូបនេះ ធ្លាប់ជាក្មេងស្រីដែលចង់ធ្វើការនៅក្នុងជួរកងទ័ពអាកាសតាំងពីកុមារមកម្ល៉េះ។ បន្ទាប់ពីនោះ នាងក៏ចាប់ផ្តើមហ្វឹកហាត់ និងបានក្លាយជាអ្នកបើកយន្តហោះស្ត្រីដំបូងគេ​នៅអ៊ុយក្រែន ខណៈពេលវេលាជាក់ ពុំទាន់មានសារព័ត៌មានណាមួយបានដឹងនៅឡើយ។

ទោះយ៉ាងណា ពេលនេះឈ្មោះរបស់ Natasha Perakov បានចារជាប្រវត្តិសាស្ត្រ និងត្រូវបានផ្សព្វផ្សាយពាសពេញពិភពលោក ហើយមនុស្សជាច្រើនបានស្ញប់ស្ញែងនូវវីរភាពដ៏អង់អាចរបស់នាងជាទីបំផុត៕

ប្រែសម្រួល៖ សន្យា

ចុចអាន៖ ផ្កា និងគ្រាប់ឈូករ័ត្ន ដែលទ័ពនារី អ៊ុយក្រែន ដាក់ជាប់ខ្លួន សៀតត្រចៀក កំពុងរញ្ជួយចិត្ត ដល់ពិភពលោក

ចុចអាន៖ អតីតបវរកញ្ញាអ៊ុយក្រែន ចាប់កាន់កាំភ្លើងក្រោកឡើងតស៊ូប្រឆាំងការវាយលុករបស់ រុស្ស៊ី