ព័ត៌មានអន្ដរជាតិ

ផ្កា និងគ្រាប់ឈូករ័ត្ន ដែលទ័ពនារី អ៊ុយក្រែន ដាក់ជាប់ខ្លួន សៀតត្រចៀក កំពុងរញ្ជួយចិត្ត ដល់ពិភពលោក

បានផុស

៤ years មុន

នៅ

ថ្ងៃចន្ទ ២៨ កុម្ភៈ ២០២២

ដោយ

ទ័ពនារីៗវ័យក្មេងរបស់ អ៊ុយក្រែន ដែលមានអាយុពី ២០ ឆ្នាំដល់ ៤០ ឆ្នាំជាច្រើនរូប បានស្ម័គ្រចិត្តចូលបម្រើកងទ័ព ខណៈប្រទេសរបស់ខ្លួន កំពុងរងការវាយប្រហារពីរុស្សី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែអ្វីដែលចម្លែក និងធ្វើឲ្យពិភពលោកហាក់រំជួលចិត្តនោះគឺ ក្មេងស្រីៗទាំងនោះ បានដាក់គ្រាប់ឈូករ័ត្ននៅក្នុងហោប៉ៅខោរបស់ខ្លួន និងសៀតផ្កាលើសក់ក្បាល ហើយសច្ចាមុនចេញទៅសមរភូមិប្រយុទ្ធថា “ប្រសិនបើខ្ញុំស្លាប់នៅទីណា សូមឲ្យសាកសពរបស់ខ្ញុំ នឹងក្លាយជាផ្កាឈូករ័ត្ន ហើយវានឹងដុះយ៉ាងស្រស់ស្អាត នៅលើទឹកដីកំណើតរបស់ពួកយើង”។

អត្ថន័យទាំងនោះហើយ ដែលបានធ្វើឲ្យមនុស្សទូទាំងពិភពលោក ហាក់អាណិតជាតិសាសន៍នេះជាខ្លាំង។ ក្រោយប្រជាជនរបស់ខ្លួនរងនូវភ្លើងសង្គ្រាម បង្ហូរឈាមដាក់គ្នា។ នេះសរបញ្ជាក់ថា នារីអ៊ុយក្រែន មិនត្រឹមតែមានភាពក្លាហានប៉ុណ្ណោះទេ តែពួកគេស៊ូលះបង់ជីវិត ដើម្បីបុព្វហេតុជាតិរបស់ខ្លួនថែមទៀតផងដែរ។

គួរបញ្ជាក់ថា ផ្កាឈូករ័ត្ន គឺជាផ្កាតំណាងជាតិ និងជានិមិត្តរូបរបស់ប្រទេសអ៊ុយក្រែន ហេតុនេះហើយ ទើបកងទ័ពនារីរបស់ប្រទេសនេះ សៀតផ្កានិងដាក់គ្រាប់ឈូករ័ត្នក្នុងហោប៉ៅខោ ក្នុងពេលចេញទៅប្រយុទ្ធជាមួយរុស្សី៕

ប្រែសម្រួល៖ សាង ស្រីល័ក្ខ

ប្រភព៖flowerpowerdaily

ចុចអាន៖អាមេរិក ថា ទណ្ឌកម្មប្រឆាំង រុស្ស៊ី ជុំវិញបញ្ហានៅ អ៊ុយក្រែន គឺជា “សង្គ្រាមលោកលើទី ៣”

ចុចអាន៖ចេញមុខហើយ ពេលនេះ ណាតូ ដាក់ពង្រាយកម្លាំង ឆ្លើយតបលើកដំបូង ជាមួយ រុស្ស៊ី

Related Topics:ប្រទេសអ៊ុយក្រែន