អាមេរិក គិតគូរ ផ្តល់ប្រព័ន្ធការពារដែនអាកាសរយៈកម្ពស់ខ្ពស់ឲ្យ អ៊ុយក្រែន (មានវីដេអូ)

អ្នកនាំពាក្យមន្ទីរបញ្ចកោណលោក John Kirby និយាយថា សហរដ្ឋអាមេរិកកំពុងស្ថិតក្នុង កិច្ចពិភាក្សា ជាមួយប្រទេសផ្សេងទៀត ដើម្បីផ្តល់ប្រព័ន្ធការពារដែនអាកាសរយៈកម្ពស់ខ្ពស់ដល់ ប្រទេសអ៊ុយក្រែន។

រហូតមកដល់បច្ចុប្បន្ន សហរដ្ឋអាមេរិកបានផ្តល់អាវុធប្រឆាំងយន្តហោះ Stinger ដល់អ៊ុយក្រែនរួចហើយ។ ទោះបីជាយ៉ាងណាក៏ដោយ ប្រព័ន្ធទាំងនេះ មានប្រសិទ្ធភាពជាចម្បងប្រឆាំងនឹងឧទ្ធម្ភាគចក្រ និងយន្តហោះដែលហោះហើរទាបៗ តែមិនអាចប្រឆាំងយន្តហោះចម្បាំងដែលហោះក្នុងរយៈកម្ពស់ខ្ពស់បានទេ។

មានសេចក្តីរាយការណ៍ថា ប្រទេសមួយចំនួនរួមទាំងស្លូវ៉ាគីផងដែរ បានបង្ហាញឆន្ទៈ ផ្តល់ឲ្យអ៊ុយក្រែននូវប្រព័ន្ធប្រឆាំងយន្តហោះ S-300។

ថ្វីបើលោក Kirby មិនធ្វើអត្ថាធិប្បាយដោយផ្ទាល់លើស្លូវ៉ាគី ឬ S-300 ក៏ដោយ ប៉ុន្តែលោកនិយាយថា សហរដ្ឋអាមេរិកកំពុងស្ថិតក្នុងការពិគ្រោះយោបល់ អំពីប្រភេទនៃសមត្ថភាពការពារ ដើម្បីរួមបញ្ចូលការការពារដែនអាកាសរយៈកម្ពស់ខ្ពស់ ដែលអ៊ុយក្រែន អាចប្រើប្រាស់បាន៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ ចិន ប្រកាសផ្តល់ ជំនួយ មនុស្សធម៌ ជាង ១លានដុល្លារ បន្ថែម ទៀត ដល់ អ៊ុយក្រែន