Connect with us

ព័ត៌មានអន្ដរជាតិ

ណាតូ​ ត្រៀម​ធ្វើ​អន្តរាគមន៍​នៅ ​កូសូវ៉ូ (មានវីដេអូ)

បានផុស

នៅ

ក្នុងអំឡុងសន្និសីទកាសែតជាមួយប្រធានាធិបតីស៊ែប៊ី Aleksandar Vucic កាលពីថ្ងៃពុធទី១៧ខែសីហា អគ្គលេខាធិការអង្គការ ណាតូ លោក Jens Stoltenberg បានអះអាងជាថ្មីនូវការប្តេជ្ញាចិត្តរបស់លោកថា ប្លុកនេះនឹងធ្វើអន្តរាគមន៍ ប្រសិនបើស្ថិរភាពត្រូវបានបំផ្លាញនៅ កូសូវ៉ូ។

អគ្គលេខាធិការអង្គការ ណាតូ លោក Jens Stoltenberg

លោកនិយាយថា “ប្រសិនបើស្ថិរភាពត្រូវបានគំរាមកំហែង កងកម្លាំងរក្សាសន្តិភាពអន្តរជាតិដឹកនាំដោយ ណាតូ នៅកូសូវ៉ូ (KFOR) បានត្រៀមខ្លួនរួចជាស្រេច ដើម្បីធ្វើអន្តរាគមន៍ហើយនឹងចាត់វិធានការដែលចាំបាច់ ដើម្បីធានាឲ្យបាននូវបរិយាកាសសុវត្ថិភាពនិងសន្តិសុខ និងសេរីភាពនៃការធ្វើចលនាសម្រាប់ប្រជាជនកូសូវ៉ូទាំងអស់”។

មេដឹកនាំនៃសម្ព័ន្ធភាពយោធាមួយនេះ បានអំពាវនាវដល់គ្រប់ភាគី ឲ្យបង្ហាញភាពអត់ធ្មត់ និងចៀសវាងអំពើហិង្សា ដោយលើកហេតុផលថា ផ្នែកការទូតគឺជាមធ្យោបាយតែមួយគត់ ឆ្ពោះទៅមុខ។ យ៉ាងណាក្តី មានការគំរាមកំហែងដល់អន្តរាគមន៍យោធានៅក្រោមអាណត្តិរបស់អង្គការសហប្រជាជាតិ ប្រសិនបើភាគីទាំងពីរ មិនគោរពតាម កិច្ចសន្ទនាដែលសម្របសម្រួលដោយ EU។

លោក Stoltenberg គ្រោងនឹងជួបប្រជុំជាមួយនាយករដ្ឋមន្រ្តីកូសូវ៉ូ លោក Albin Kurti នៅថ្ងៃព្រហស្បតិ៍នេះ ខណៈលោក Vucic និង Kurti នឹងជួបប្រជុំគ្នានៅថ្ងៃសុក្រក្នុងទីក្រុង ព្រុចសែល នៃប្រទេស បែលហ្ស៊ិក ដើម្បីបន្តកិច្ចសន្ទនា។

ភាពតានតឹងរវាង ស៊ែប៊ី និងកូសូវ៉ូ កំពុងកើនឡើងខ្ពស់ បន្ទាប់ពីកូសូវ៉ូ អនុម័តច្បាប់ដែលតម្រូវឲ្យជនជាតិស៊ែប៊ី ផ្លាស់ប្តូរលិខិតឆ្លងដែនរបស់ពួកគេ សម្រាប់ឯកសារពិសេសដែលចេញដោយកូសូវ៉ូ និងប្តូរស្លាកលេខយានយន្តស៊ែប៊ី ទៅជាស្លាកលេខដែលចេញនៅកូសូវ៉ូ។

ការប្រកាសច្បាប់ថ្មីនេះ កើតឡើងស្របពេលប៉ូលិសពិសេសប្រដាប់អាវុធធុនធ្ងន់ គ្រប់គ្រងច្រកព្រំដែនចំនួនពីរជាមួយស៊ែប៊ី ដែលជាហេតុនាំឲ្យជនជាតិស៊ែប៊ីក្នុងតំបន់ ធ្វើការបិទផ្លូវដើម្បីតវ៉ា ហើយរដ្ឋាភិបាលរបស់លោក Vucic បានចេញសេចក្តីថ្លែងការណ៍ថ្កោលទោសអាកប្បកិរិយារបស់រដ្ឋាភិបាលទីក្រុង Pristina។

កងរក្សាសន្តិភាពរបស់អង្គការណាតូ ត្រូវបានដាក់ពង្រាយដើម្បីកាត់បន្ថយភាពតានតឹង ហើយរដ្ឋាភិបាលរបស់លោក Kurti បានយល់ព្រមពន្យារពេលការអនុវត្តច្បាប់ថ្មីនេះ ជាថ្នូរឲ្យក្រុមបាតុកររុះរើរបាំងបិទផ្លូវ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ លោក បៃដិន ចុះ ហត្ថលេខា ផ្តល់ សច្ចាប័នលើការប៉ុនប៉ងរបស់ ហ្វាំងឡង់ និង ស៊ុយអែត ចូល ណាតូ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៦ នាទី មុន

ឧត្តមសេនីយ៍ ហ៊ុន ម៉ាណែត៖​ ទំនាក់ទំនងរវាងកងទ័ពកម្ពុជា-ថៃ​ កាន់តែល្អប្រសើរ​ក្រោយពីចុះ​ហត្ថលេខា​កាលពីខែកុម្ភៈកន្លងទៅ

ជីវិតកម្សាន្ដ២៤ នាទី មុន

រ៉ាប៊ី ប្រតិកម្មឆ្លើយតបបន្ទាប់មានគេរិះគន់រឿងជូនលុយឪពុកម្តាយនារដូវភ្ជុំបិណ្ឌ

ជីវិតកម្សាន្ដ៣៦ នាទី មុន

Pancake ត្រូវគេដាក់រហស្សនាមថា “កំពូលតារាបង្ហាញម៉ូដពិភពលោក” កម្រមានរឿងអាស្រូវ

ព័ត៌មានអន្ដរជាតិ៥០ នាទី មុន

បាងកក ដាក់ម៉ាស៊ីនបូមទឹកបន្ថែមទៀតដើម្បីរំដោះទឹកចេញពីទីក្រុង

នយោបាយ១ ម៉ោង មុន

អ្នកនយោបាយ មើលឃើញតាំងពីដំបូងថា បក្សភ្លើងទៀនមិនអាចចងសម្ព័ន្ធភាព ជាមួយគណបក្ស ៣ផ្សេងទៀតទេ

Sokha Hotels

ព័ត៌មានពេញនិយម