ព័ត៌មានអន្ដរជាតិ

គ្មានទេការបែកចែកថវិកាជាតិចំនួន ០.២៥% នៃ GDP នៃសមាជិកអឺរ៉ុប និងណាតូ ដើម្បីជួយអ៊ុយក្រែន

បានផុស

១ ខែ មុន

នៅ

ថ្ងៃចន្ទ ២៥ ឧសភា ២០២៦

ដោយ

អគ្គលេខាធិការអង្គការណាតូ លោក Mark Rutte បានលើកឡើងក្នុងពេលថ្មីៗនេះថា សមាជិកណាតូជាច្រើនមិនបានវិភាជថវិការដ្ឋ ០.២៥ភាគរយ នៃផលិតផលសរុបក្នុងស្រុកដើម្បីជួយអ៊ុយក្រែនទេ ហើយវាក៏នឹងមិនសម្រេចដែរ ព្រោះគ្មានការគាំទ្រពីសមាជិកទាំងអស់។

ទោះបីយ៉ាងណា ប្រទេសអឺរ៉ុបធំៗចំនួន៥ រួមមាន ចក្រភពអង់គ្លេស បារាំង អេស្ប៉ាញ អ៊ីតាលី និងសមាជិកណាតូ កាណាដា បានរារាំងសំណើសម្រាប់រដ្ឋជាសមាជិកណាតូ ក្នុងការបែងចែកថវិកាជាតិប្រចាំឆ្នាំ ត្រឹម ០.២៥% នៃផលិតផលក្នុងស្រុកសរុប (GDP)របស់ប្រទេសនិមួយៗ លើជំនួយយោធាសម្រាប់អ៊ុយក្រែន។ នេះបើតាមសារព័ត៌មាន The Telegraph ដោយដកស្រង់ប្រភពនានា កាលពីថ្ងៃទី២៤ ខែឧសភា ឆ្នាំ២០២៦ ។

អគ្គលេខាធិការអង្គការណាតូ លោក Mark Rutte ។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែ លោក Mark Rutte នៅតែសង្ឃឹមថាសមាជិកនឹងផ្តល់សច្ចាប័នលើសំណើនោះនៅឯកិច្ចប្រជុំកំពូលប្រចាំឆ្នាំរបស់សម្ព័ន្ធមិត្តនៅទីក្រុងអង់ការ៉ា ប្រទេសតួកគី។

គួរបញ្ជាក់ថា យ៉ាងហោចណាស់រដ្ឋសមាជិកណាតូចំនួន៧ បានចំណាយលើសពី០.២៥% នៃផលិតផលក្នុងស្រុកសរុបរបស់ពួកគេលើជំនួយយោធាដល់អ៊ុយក្រែន ហើយបង្ហាញការគាំទ្រចំពោះផែនការនេះ។ យ៉ាងណា គ្រប់សំណើចំពោះសមាជិកណាតូគឺត្រូវអនុម័តដោយសម្ព័ន្ធមិត្តនិងតម្រូវឱ្យមានការគាំទ្រជាឯកច្ឆ័ន្ទពីប្រទេសសមាជិកទាំងអស់។

ប្រភពមួយនិយាយថា៖ « ពួកគេមិនសូវចាប់អារម្មណ៍នឹងគំនិតនេះទេ ដោយសំដៅទៅលើចក្រភពអង់គ្លេស បារាំង អេស្ប៉ាញ អ៊ីតាលី និងកាណាដា»។

ដោយឡែក បរិមាណនៃការចូលរួមចំណែកផ្នែកយោធារបស់ចក្រភពអង់គ្លេស ដើម្បីគាំទ្រអ៊ុយក្រែនគឺធំជាងគេទីបីបន្ទាប់ពីសហរដ្ឋអាមេរិក និងអាល្លឺម៉ង់ ប៉ុន្តែវាមិនឈានដល់កម្រិត ០.២៥នៃផលិតផលក្នុងស្រុកសរុបទេ។

នាយករដ្ឋមន្ត្រីចក្រភពអង់គ្លេស លោក Keir Starmer ពីមុនបានសន្យាថានឹងបែងចែកយ៉ាងហោចណាស់ ៤ប៊ីលានដុល្លាក្នុងមួយឆ្នាំ ប្រហែល០.១% នៃផលិតផលក្នុងស្រុកសរុបសម្រាប់អនាគតដែលមិនអាចមើលឃើញទុកជាមុន។

យោងតាមទិន្នន័យប្រមូលដោយវិទ្យាស្ថាន Kiel ប្រទេសហូឡង់ ប៉ូឡូញក៏ដូចជា ណ័រឌីក និងបាល់ទិក បានផ្តល់ជំនួយ ០.២៥% នៃផលិតផលក្នុងស្រុកសរុប ឬខ្ពស់ជាងនេះជួយអ៊ុយក្រែន៕

សម្រួល៖ ណឺ មិនា