លោក បៃដិន ចុះ​ហត្ថលេខា​​ផ្តល់​សច្ចាប័នលើការប៉ុនប៉ងរបស់ ​ហ្វាំងឡង់ និង​ស៊ុយអែត ចូល ​ណាតូ (មានវីដេអូ)

លោកប្រធានាធិបតី ចូ បៃដិន កាលពីថ្ងៃអង្គារទី៩ ខែសីហា បានចុះហត្ថលេខាលើការផ្តល់សច្ចាប័នរបស់សហរដ្ឋអាមេរិក ចំពោះការប៉ុនប៉ងរបស់ប្រទេសហ្វាំងឡង់ និងស៊ុយអែត ដើម្បីចូលទៅក្នុងអង្គការណាតូ ដោយពង្រីកសម្ព័ន្ធភាពលោកខាងលិចមួយនេះ ដើម្បីឆ្លើយតបទៅនឹងការលុកលុយរបស់រុស្ស៊ីនៅអ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក បៃដិន និយាយថា ប្រទេសនៅអឺរ៉ុបខាងជើងទាំងពីរ នឹងក្លាយជាសម្ព័ន្ធមិត្តថ្មីដ៏រឹងមាំ និងអាចទុកចិត្តបានខ្ពស់ ជាមួយការប្តេជ្ញាចិត្តដ៏ពិសិដ្ឋចំពោះការការពារទៅវិញទៅមក នៅក្នុងសម្ព័ន្ធភាពឆ្លងមហាសមុទ្រអាត្លង់ទិកដឹកនាំដោយសហរដ្ឋអាមេរិក។

កាលពីដើមខែនេះ ព្រឹទ្ធសភាអាមេរិកបានបោះឆ្នោតគាំទ្រក្នុងសំឡេង ៩៥ ទល់ ១ ចំពោះការចូលជាសមាជិករបស់រដ្ឋ Nordic ទាំង២ ដែលធ្វើឲ្យសហរដ្ឋអាមេរិកក្លាយជាប្រទេសទី ២៣ ក្នុងចំណោមប្រទេសទាំង ៣០ ដែលផ្តល់ការយល់ព្រមជាផ្លូវការ។

ទោះបីជាយ៉ាងណាក៏ដោយ សម្រាប់ការចូលជាសមាជិកថ្មីរបស់ណាតូ គឺចាំបាច់ត្រូវការការគាំទ្រជាឯកច្ឆន្ទ។

លោក បៃដិន បានសរសើរអង្គការណាតូថាជា “មូលដ្ឋានគ្រឹះនៃសន្តិសុខអាមេរិក” ហើយនិ​យាយថា “សហរដ្ឋអាមេរិក បានប្តេជ្ញាចំពោះសម្ព័ន្ធភាពឆ្លងមហាសមុទ្រអាត្លង់ទិកមួយនេះ”។

លោក បៃដិន ក៏បានសរសើរហ្វាំងឡង់ និងស៊ុយអែតផងដែរ ដោយនិយាយថា ប្រទេសទាំងពីរមាន ស្ថាប័នប្រជាធិបតេយ្យរឹងមាំ យោធារឹងមាំ និងសេដ្ឋកិច្ចរឹងមាំ និងមានតម្លាភាព ដែលបច្ចុប្បន្ននឹងជំរុញអង្គការណាតូឲ្យកាន់តែខ្លាំង៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ CNA

ចុចអាន៖ ព្រឹទ្ធសភាអាមេរិក បោះឆ្នោតផ្តល់សច្ចាប័នលើសមាជិកភាពណាតូ របស់ ហ្វាំងឡង់ និងស៊ុយអែត