រុស្ស៊ី ប្រាប់លក្ខខណ្ឌដែលខ្លួននឹង បាញ់នុយក្លេអ៊ែរ (មានវីដេអូ)

ក្រសួងការបរទេសរុស្ស៊ីបាននិយាយកាលពីថ្ងៃព្រហស្បតិ៍ទី១៨ខែសីហាថា ទីក្រុងមូស្គូ នឹងប្រើប្រាស់ឃ្លាំងអាវុធនុយក្លេអ៊ែររបស់ខ្លួនតែនៅក្នុង “កាលៈទេសៈបន្ទាន់” ប៉ុណ្ណោះ ហើយថា ខ្លួនគ្មានចំណាប់អារម្មណ៍ក្នុងការប្រឈមមុខដាក់គ្នាដោយផ្ទាល់ជាមួយអង្គការណាតូ និងសហរដ្ឋអាមេរិកនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែក យោងតាមរដ្ឋមន្ត្រីការពារជាតិរុស្ស៊ីរុស្ស៊ី, ទីក្រុងមូស្គូ មិនចាំបាច់ប្រើអាវុធនុយក្លេអ៊ែរក្នុងអំឡុងពេលយុទ្ធនាការយោធារបស់ខ្លួននៅប្រទេសអ៊ុយក្រែនទេ។ លោកបានចាត់ទុកក្តីរំពឹងរបស់ប្រព័ន្ធផ្សព្វផ្សាយដែលថា ទីក្រុងមូស្គូអាចនឹងដាក់ពង្រាយអាវុធនុយក្លេអ៊ែរ ឬគីមីនៅក្នុងជម្លោះនេះ គឺជា “ការកុហកទាំងស្រុង”។

ថ្លែងក្នុងសន្និសីទសារព័ត៌មានមួយកាលពីថ្ងៃព្រហស្បតិ៍ អ្នកនាំពាក្យក្រសួងការបរទេសលោក Ivan Nechaev បាននិយាយថា អាវុធនុយក្លេអ៊ែរនឹងត្រូវបានប្រើក្នុងលក្ខខណ្ឌតែមួយគត់ នោះគឺនឹងប្រើជាវិធានការ “ឆ្លើយតប”។

លោកអះអាងថា “គោលលទ្ធិយោធារុស្ស៊ី អនុញ្ញាតឲ្យមានការឆ្លើយតបនុយក្លេអ៊ែរ តែក្នុងការឆ្លើយតបទៅនឹងការគំរាមកំហែងនៃការបំផ្លិចបំផ្លាញដ៏ធំ ឬនៅពេលដែលអត្ថិភាពនៃរដ្ឋ ត្រូវបានគំរាមកំហែងប៉ុណ្ណោះ។ ដូចនេះ ​ការ​ប្រើ​អាវុធ​នុយក្លេអ៊ែរ​គឺ​អាច​ធ្វើ​ទៅ​បាន ​តែ​ជា​ផ្នែក​មួយ​នៃ​ការ​ឆ្លើយ​តប​ចំពោះ​ការ​វាយ​ប្រហារ​ដើម្បី​ការពារ​ខ្លួន​និង​ក្នុង​គ្រា​អាសន្ន​ប៉ុណ្ណោះ”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Reuters

ចុចអាន៖ ពូទីន បង្អួតសព្វាវុធទំនើបៗ រួមទាំង ការធ្វើតេស្តខួរក្បាល “កំពូលទាហាន” ក្នុងពិព័រណ៍កងទ័ពឆ្នាំ ២០២២